良記餐廳(老鳳冰室) (Closed)

最近唔知點解愛上出深水埗食早餐， 可能因為屋企有巴士直達吧🤭。今日又要一整日跟數字搏鬥，所以要豐富啲！先來一碗芝士牛肉濃茄湯通😍😋，再追加半份黑松露炒蛋多士👍，配凍奶茶，夠豐富喇掛！先試下個通粉濃湯先，真係夠濃喎，不過我嫌芝士味唔夠重，如果可以再多啲就好喇😏，我好欣賞佢地用有坑紋嘅通粉，口感會更彈牙有咬口架👍，牛肉亦夠多，十分足料。而嗰半份炒蛋多士就更正，黑松露好闊綽地舖滿滑滑炒蛋上🤤🤤🤤！炒蛋好滑，唔知有冇放牛奶去炒呢？🤔不過有點美中不足係我杯奶茶唔記得叫走甜啫😁，所以我只飲左半杯就放棄了！