101
5
1
Level4
197
7
2022-03-05 327 views
唔知大家喺香港鍾唔鍾意食Omakase?我成日覺得要食到好食嘅Omakase,一定要喺日本,因為香港點好食都唔夠日本食材新鮮,但經過今次之後,我覺得Omakase除咗係美食嘅盛宴,仲係對每一道菜更加認識、令你更加愛上嘅過程。Susoshu係一間尖沙咀新派日本菜餐廳,餐廳名全名係「寿司を食って、蕎麦で〆る。日本酒もある、長い名前のレストラン。」,其實係三個字既縮寫,分別係Sushi 、Soba、Shu,意思係食完壽司之後以蕎麥麵作結,仲有日本酒提供,所以餐廳係主打壽司、蕎麥麵同日本酒,令客人可以享受到日本居酒屋嘅地道美食。餐廳有唔小食材由日本直送,好似和牛用上日本直送熊本A4和牛,菜式方面加入左創意元素,加上日本正宗嘅烹調細緻,加上夠多元化,好似有特色席前煙燻和牛、海天一色嘅寒天甜品。品嚐美食嘅同時,自己好似置身係日本咁,不知不覺渡過三個鐘時光。餐廳裝修以木系為主,座位唔算多,大概可以容納到20個人,除咗座位,最吸睛一定係擺滿左唔同日本酒嘅酒櫃。如果係食omakase,建議一定要book吧枱位,因為咁樣先可以同廚師交流,可以近距離睇住師傅製作。師傅好細心講解每道菜嘅特色同埋來源。-🍣 献
Read full review
唔知大家喺香港鍾唔鍾意食Omakase?我成日覺得要食到好食嘅Omakase,一定要喺日本,因為香港點好食都唔夠日本食材新鮮,但經過今次之後,我覺得Omakase除咗係美食嘅盛宴,仲係對每一道菜更加認識、令你更加愛上嘅過程。
18 views
1 likes
0 comments

Susoshu係一間尖沙咀新派日本菜餐廳,餐廳名全名係「寿司を食って、蕎麦で〆る。日本酒もある、長い名前のレストラン。」,其實係三個字既縮寫,分別係Sushi 、Soba、Shu,意思係食完壽司之後以蕎麥麵作結,仲有日本酒提供,所以餐廳係主打壽司、蕎麥麵同日本酒,令客人可以享受到日本居酒屋嘅地道美食。

餐廳有唔小食材由日本直送,好似和牛用上日本直送熊本A4和牛,菜式方面加入左創意元素,加上日本正宗嘅烹調細緻,加上夠多元化,好似有特色席前煙燻和牛、海天一色嘅寒天甜品。品嚐美食嘅同時,自己好似置身係日本咁,不知不覺渡過三個鐘時光。

11 views
1 likes
0 comments
11 views
1 likes
0 comments
13 views
1 likes
0 comments
11 views
1 likes
0 comments
餐廳裝修以木系為主,座位唔算多,大概可以容納到20個人,除咗座位,最吸睛一定係擺滿左唔同日本酒嘅酒櫃。如果係食omakase,建議一定要book吧枱位,因為咁樣先可以同廚師交流,可以近距離睇住師傅製作。

師傅好細心講解每道菜嘅特色同埋來源。
-
🍣 献立 💰1480(👅: 9/10)
29 views
2 likes
0 comments
19 views
1 likes
0 comments
13 views
1 likes
0 comments
13 views
1 likes
0 comments
12 views
1 likes
0 comments
14 views
1 likes
0 comments
15 views
1 likes
0 comments

呢個係餐廳嘅晚市Omakase套餐,以海鮮為主題,每三個月就會轉一次Menu,而呢一個set咁啱就係11月中開始,所以可以見到當造嘅白子,而且仲有餐廳最受歡迎嘅菜式,好似究極海膽、特製和王A4和牛壽喜燒、青森縣大間中拖羅、招牌蕎麥麵等一共十一款。
12 views
1 likes
0 comments

-
1️⃣ 海老他他脆筒(👅: 8/10)
海老他他脆筒
6 views
1 likes
0 comments
第一樣係一個用紫菜做成既脆筒,麻雀雖小但係入邊有海老他他、自家製芝士、山葵漬、醃蘿蔔、壽司飯,最上面有一個炸蝦頭,睇落係一個迷你手卷,上面有個試管豉油比客人自己控制落既份量。

紫菜有用火槍燒過,所以咬落去非常脆身,連同非常酥脆嘅炸蝦頭 內餡食落無論味道定係口感上都非常豐富,芝士嘅味道特別突出,係幾特別嘅配搭,作為前菜幾開胃。
-
2️⃣ 白子天婦羅(👅: 8.5/10)
白子天婦羅
5 views
1 likes
0 comments

11月絕對係白子嘅季節,香港人可能未必知,白子其實係魚既睪丸,係日本係好常見嘅前菜小食,而且食落去有好豐富嘅蛋白質,仲可以美顏。平時食白子都係酸汁白子子刺身多,呢度除咗刺身仲可以揀天婦羅,所以就揀咗未試過嘅後者。

呢度白子都係最常見嘅鱈魚白子,白子嘅外層炸衣夠輕薄,咬落去入邊非常creamy,入口夠滑,好似食緊豆腐,夠肥美,食落完全冇腥味,因為冇刺身嘅酸汁所以冇咁開胃,但比起平時食嘅刺身更加香口,上面仲有啲蔥花同蘿蔔蓉中和一下油膩感,對於未能接受白子本身嘅口感可能會更易接受。
-
3️⃣ 呼子魷魚燒賣(👅: 8.5/10)
呼子魷魚燒賣
9 views
1 likes
0 comments
佐賀縣有一個地方叫做呼子,嗰度最出名就係出產魷魚,呢度就係用咗呼子魷魚,切成一條條,包住依個燒賣,入邊係用上日本黑毛豬肉既內餡,係用日本嘅材料整成嘅燒賣,上枱時連埋個小蒸籠一齊上。

魷魚咬落非常軟滑,夠彈牙,帶小小膠質,食落鮮甜,而黑毛豚肉比起魷魚更彈牙,食落豬味濃郁,比起平時嘅港式燒賣更有驚喜。
-
🍣 時令壽司四貫
壽司飯用上日本越光米,入口係有彈性帶軟黏,軟硬適中,食落有米香,再加左小小赤醋,突出魚肉既甘甜,唔會太有醋酸味。
-
🍣 愛媛縣蜜柑獅魚(👅: 8.5/10)
愛媛縣蜜柑獅魚
8 views
1 likes
0 comments

獅魚即係未成長既油甘魚,咬落去魚夠爽身,小小似食緊池魚,因為加左蜜柑所以多左小小甜味。
-
🍣 北海道秋刀魚(👅: 8.5/10)
北海道秋刀魚
8 views
1 likes
0 comments
秋刀魚係秋冬季既魚,咬落夠晒肥美,食落魚味比較濃郁。
-
🍣 青森縣大間中拖羅(👅: 9/10)
青森縣大間中拖羅
12 views
1 likes
0 comments

呢度嘅中拖羅做法同平時有啲唔同,用左鐵板燒既概念,首先會用火槍燒一燒鐵板,再用燒熱左既鐵板焫過拖羅嘅表面,令到佢多左一層焦香。拖羅係熟成左兩星期既吞拿魚,非常厚身,夠肥美,入口細嫩無筋,食落去除咗食到拖羅嘅脂肪,仲食到炙燒過嘅焦香,令到魚味更加突出。
-
🍣 火炙右口魚邊(👅: 9/10)
火炙右口魚邊
9 views
1 likes
0 comments
咁多件壽司最鍾意呢一件,可能因為佢係最重味,由淡到濃味最後一件嘅壽司。一般右口魚邊比左口魚更多油份,所以呢度用右口魚裙邊,師傅會用火槍直接火炙右口魚邊,將佢嘅油香迫出黎。擺入口係真正嘅入口即溶,帶有焦香,平時大家食左口魚可能有渣,但呢個係完全冇,喺口腔入邊係油香四溢,齒頰留香,加上去既蒜味醬油令到佢味道層次增加提升。
-
4️⃣⃣ 鮟鱇魚肝(👅: 8/10)
鮟鱇魚肝
5 views
1 likes
0 comments
鮟鱇魚肝一直都好想食,不過平時係居酒居太多嘢想食,一直都眼闊肚窄試唔到。呢度師傅首先會用牛奶浸過魚肝再蒸,所以入口嗰時非常幼滑,夠creamy,即使係我唔太鍾意食內臟嘅人,呢個魚肝內臟味都唔算好重,而且冇腥味,配搭酸汁啫喱同辣蘿蔔蓉,可以蓋過內臟嘅味道,味道更加有層次,令佢變成一道我好開胃嘅小食。
-
5️⃣ 究極海膽(👅: 9/10)
究極海膽
6 views
1 likes
0 comments
終於嚟到今晚嘅主角,相信大家黎呢一間餐廳,唔多唔少都係為咗佢,係份量唔孤寒既招牌究極海膽。海膽用上北海道浜中小川赤海膽,師傅首先會用火槍燒一燒紫菜,擺上少少醋飯之後,將一整排嘅海膽覆蓋喺醋飯上面。海膽份量澎湃,色澤均勻。

本身我對海膽唔係有好大好感,因為喺香港平時食到嘅,好多一係鮮味海膽味唔重,一係有腥味,但呢個海膽真係入口即溶,口感幼滑,夠creamy夠濕潤,每一舊都好肥美夠晒飽滿,綿密不斷,留喺口腔嘅係海膽嘅鮮甜味,少少苦澀味都冇,濃郁可口,令人回味再三,另外即刻食仲食到紫菜嘅香脆,絕對係外脆內軟,係我香港食過最好食嘅海膽,食完會令我對海膽改觀,而且想搵香港好食嘅海膽。
-
6️⃣ 松葉蟹甲羅燒(👅: 9/10)
松葉蟹甲羅燒
7 views
1 likes
0 comments

秋冬季要食嘅一定係甲羅燒,入邊有松葉蟹肉、蟹膏、鵪鶉蛋、味噌、蔥,啲面會係你面前用一個小火爐燒,幫你攪勻,喺隔離聞到香味不斷湧出。

松葉蟹甲羅燒
7 views
1 likes
0 comments
蟹肉夠長,咬落去口感札實,食落新鮮,蟹膏香味有不過唔會重到蓋過其他味道,成個蟹味濃郁,食完好耐仲停留喺口腔,比例配搭得好好,味道層次豐富,係我食過最好食嘅甲羅燒。
-
7️⃣ 時令醋物(👅: 8/10)
時令醋物
8 views
1 likes
0 comments

食完咁重味嘅甲羅燒,餐廳俾咗一個時令醋物去清一清口腔,係一個用玻璃試管裝住既柚子醋啫喱,質地偏水狀,食落去酸酸甜甜,夠開胃,清新完味蕾,準備迎接下一個重口味菜式。
-
8️⃣ 特製和王和牛壽喜燒(👅: 9/10)
特製和王和牛壽喜燒
10 views
1 likes
0 comments

之後上枱嘅係一個餐廳其中一個招牌,係特製和王和牛壽喜燒,和王係用上熊本縣A4級嘅頂級和牛。

牛肉入口非常軟嫩,食起嚟牛味重,油香豐富,但唔會太膩,加上自家製嘅壽喜燒汁,更加滑身,加左特級松茸落去煮,蛋漿食落鮮甜帶焦香。驚喜嘅係呢個壽喜燒落咗少少山椒粉做調味,所以邊食邊感受到舌尖上的麻痹感,唔會淨係食到雞蛋嘅香甜,但又唔會有過火嘅麻辣感覺,非常過癮。下面仲有啲葛粉條,吸滿咗醬汁,連汁一滴不留咁清哂。
-
9️⃣ 櫻花蝦粉蕎麥麵(👅: 9/10)
櫻花蝦粉蕎麥麵
9 views
1 likes
0 comments

喺香港要食到好食嘅蕎麥麵係非常之難,因為冇咩專食蕎麥麵嘅專門店或者餐廳,不過呢度蕎麥麵就係餐廳嘅招牌,餐廳喺午市、晚市都有供應蕎麥麵,不過呢個套餐嘅蕎麥麵係特別版,因為上面加咗櫻花蝦粉,師傅將曬乾左嘅櫻花蝦磨成粉。

日本鹿兒島直送既十割蕎麥麵,意思即係100%用蕎麥粉製作,冇用任何麵粉,咬落去偏硬身,帶煙韌彈牙,食落去蕎麥味重。
而蕎麥麵嘅湯汁係用蝦仔乾、魚仔乾、蟹仔乾、海帶、昆布熬成,食落去係鹹甜交集,鮮味十足,加咗櫻花粉入去,食落去係非常鮮甜,令到成個蕎麥麵都香口左,而且多咗少少脆口嘅口感,湯汁同麵條非常夾,好快就鯨吞虎嚥食晒,呢個算係我喺香港食過最好食嘅蕎麥麵。
-
🔟 夜空寒天(👅: 8.5/10)
夜空寒天
10 views
1 likes
0 comments
呢個甜品絕對係依度嘅招牌,當初我留意到呢間餐廳嘅原因都係因為佢,外觀上成個藝術品咁,漸變色除咗好似海洋之外,睇落仲好似富士山。上面白色嘅係用咗喺Donki成日見到嘅「澪」氣泡清酒製成,下面嘅係用咗碟豆花加檸檬汁製成嘅寒天凍,要整成下邊好似海洋嘅藍色係非常困難,需要好多次嘅調教,因為喺黃光、白光嘅情況下顏色都會唔同,細心到連餐廳嘅燈光都考慮左,加上成個甜品都係用天然而唔係人造色素 ,呢個甜品值得佢咁出名。

因為前邊食咗好多好似甲羅燒、壽喜燒呢啲咁重味嘅嘢食,需要一啲清新嘅甜品解一解膩,呢個甜品係可以做到呢個效果,咬落去係大菜糕同啫喱之間嘅口感,夠Q彈爽口,食落去係帶輕微嘅清酒味道,如果冇飲酒嘅人就會食到,飲咗酒就可能食唔到佢嘅酒味,下面就會食到檸檬汁嘅少少酸味,夠清新,係一個完美嘅完結。
-
🍶 真澄💰70(👅: 8.5/10)
真澄
$70
5 views
1 likes
0 comments
呢支係宮坂釀造真澄漆黑KURO 純米吟釀,入口淡華,飲落去係偏水果味,味道飽滿,同日本菜、海鮮非常搭配。
-
🍹果味梳打💰38(👅: 7.5/10)
果味梳打
$38
6 views
1 likes
0 comments
飲落去係桃味,正常唔算太甜。
-
🌟 整體食物質素絕對係高質,當中最欣賞嘅係佢哋嘅蕎麥麵、壽喜燒、寒天、海膽、甲羅燒、火炙右口魚邊、大拖羅。
因為香港無咩專做蕎麥麵既餐廳,食完我覺得以香港質素來講嘅高質,下次會想係lunch Menu再試多次。
可惜當中得海膽可以單點,其他只可以係OMAKASE MENU食到,如果餐廳可以單點絕對會再試上面既菜式。

-
👅味道: 9/10
🍴環境: 7.5/10
💰消費: $1480pp (服務費: 10%)
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2021-11-24
Dining Method
Dine In
Spending Per Head
$1480 (Dinner)
Recommended Dishes
海老他他脆筒
白子天婦羅
呼子魷魚燒賣
愛媛縣蜜柑獅魚
北海道秋刀魚
青森縣大間中拖羅
火炙右口魚邊
鮟鱇魚肝
究極海膽
松葉蟹甲羅燒
松葉蟹甲羅燒
時令醋物
特製和王和牛壽喜燒
櫻花蝦粉蕎麥麵
夜空寒天
真澄
$ 70
果味梳打
$ 38
  • 献立
  • 時令壽司四貫