101
5
1
2-min walk from Exit L5, Tsim Sha Tsui / East Tsim Sha Tsui MTR Station continue reading
Introduction
A new style Japanese restaurant in Tsim Sha Tsui offers sushi, plain soba noodles, and Japanese wine. Some ingredients are delivered directly from Japan. continue reading
Opening Hours
Mon - Sun
12:00 - 15:00
18:00 - 22:00
Public Holiday
12:00 - 15:00
18:00 - 22:00
Public Holiday Eve
12:00 - 15:00
18:00 - 22:00
Payment Methods
Visa Master AlipayHK Alipay Cash AE UnionPay JCB
Number of Seats
26
Other Info
Spot payment
Above information is for reference only. Please check details with the restaurant.
Review (115)
唔知大家喺香港鍾唔鍾意食Omakase?我成日覺得要食到好食嘅Omakase,一定要喺日本,因為香港點好食都唔夠日本食材新鮮,但經過今次之後,我覺得Omakase除咗係美食嘅盛宴,仲係對每一道菜更加認識、令你更加愛上嘅過程。Susoshu係一間尖沙咀新派日本菜餐廳,餐廳名全名係「寿司を食って、蕎麦で〆る。日本酒もある、長い名前のレストラン。」,其實係三個字既縮寫,分別係Sushi 、Soba、Shu,意思係食完壽司之後以蕎麥麵作結,仲有日本酒提供,所以餐廳係主打壽司、蕎麥麵同日本酒,令客人可以享受到日本居酒屋嘅地道美食。餐廳有唔小食材由日本直送,好似和牛用上日本直送熊本A4和牛,菜式方面加入左創意元素,加上日本正宗嘅烹調細緻,加上夠多元化,好似有特色席前煙燻和牛、海天一色嘅寒天甜品。品嚐美食嘅同時,自己好似置身係日本咁,不知不覺渡過三個鐘時光。餐廳裝修以木系為主,座位唔算多,大概可以容納到20個人,除咗座位,最吸睛一定係擺滿左唔同日本酒嘅酒櫃。如果係食omakase,建議一定要book吧枱位,因為咁樣先可以同廚師交流,可以近距離睇住師傅製作。師傅好細心講解每道菜嘅特色同埋來源。-🍣 献立 💰1480(👅: 9/10)呢個係餐廳嘅晚市Omakase套餐,以海鮮為主題,每三個月就會轉一次Menu,而呢一個set咁啱就係11月中開始,所以可以見到當造嘅白子,而且仲有餐廳最受歡迎嘅菜式,好似究極海膽、特製和王A4和牛壽喜燒、青森縣大間中拖羅、招牌蕎麥麵等一共十一款。-1️⃣ 海老他他脆筒(👅: 8/10)第一樣係一個用紫菜做成既脆筒,麻雀雖小但係入邊有海老他他、自家製芝士、山葵漬、醃蘿蔔、壽司飯,最上面有一個炸蝦頭,睇落係一個迷你手卷,上面有個試管豉油比客人自己控制落既份量。紫菜有用火槍燒過,所以咬落去非常脆身,連同非常酥脆嘅炸蝦頭 內餡食落無論味道定係口感上都非常豐富,芝士嘅味道特別突出,係幾特別嘅配搭,作為前菜幾開胃。-2️⃣ 白子天婦羅(👅: 8.5/10)11月絕對係白子嘅季節,香港人可能未必知,白子其實係魚既睪丸,係日本係好常見嘅前菜小食,而且食落去有好豐富嘅蛋白質,仲可以美顏。平時食白子都係酸汁白子子刺身多,呢度除咗刺身仲可以揀天婦羅,所以就揀咗未試過嘅後者。呢度白子都係最常見嘅鱈魚白子,白子嘅外層炸衣夠輕薄,咬落去入邊非常creamy,入口夠滑,好似食緊豆腐,夠肥美,食落完全冇腥味,因為冇刺身嘅酸汁所以冇咁開胃,但比起平時食嘅刺身更加香口,上面仲有啲蔥花同蘿蔔蓉中和一下油膩感,對於未能接受白子本身嘅口感可能會更易接受。-3️⃣ 呼子魷魚燒賣(👅: 8.5/10)佐賀縣有一個地方叫做呼子,嗰度最出名就係出產魷魚,呢度就係用咗呼子魷魚,切成一條條,包住依個燒賣,入邊係用上日本黑毛豬肉既內餡,係用日本嘅材料整成嘅燒賣,上枱時連埋個小蒸籠一齊上。魷魚咬落非常軟滑,夠彈牙,帶小小膠質,食落鮮甜,而黑毛豚肉比起魷魚更彈牙,食落豬味濃郁,比起平時嘅港式燒賣更有驚喜。-🍣 時令壽司四貫壽司飯用上日本越光米,入口係有彈性帶軟黏,軟硬適中,食落有米香,再加左小小赤醋,突出魚肉既甘甜,唔會太有醋酸味。-🍣 愛媛縣蜜柑獅魚(👅: 8.5/10)獅魚即係未成長既油甘魚,咬落去魚夠爽身,小小似食緊池魚,因為加左蜜柑所以多左小小甜味。-🍣 北海道秋刀魚(👅: 8.5/10)秋刀魚係秋冬季既魚,咬落夠晒肥美,食落魚味比較濃郁。-🍣 青森縣大間中拖羅(👅: 9/10)呢度嘅中拖羅做法同平時有啲唔同,用左鐵板燒既概念,首先會用火槍燒一燒鐵板,再用燒熱左既鐵板焫過拖羅嘅表面,令到佢多左一層焦香。拖羅係熟成左兩星期既吞拿魚,非常厚身,夠肥美,入口細嫩無筋,食落去除咗食到拖羅嘅脂肪,仲食到炙燒過嘅焦香,令到魚味更加突出。-🍣 火炙右口魚邊(👅: 9/10)咁多件壽司最鍾意呢一件,可能因為佢係最重味,由淡到濃味最後一件嘅壽司。一般右口魚邊比左口魚更多油份,所以呢度用右口魚裙邊,師傅會用火槍直接火炙右口魚邊,將佢嘅油香迫出黎。擺入口係真正嘅入口即溶,帶有焦香,平時大家食左口魚可能有渣,但呢個係完全冇,喺口腔入邊係油香四溢,齒頰留香,加上去既蒜味醬油令到佢味道層次增加提升。-4️⃣⃣ 鮟鱇魚肝(👅: 8/10)鮟鱇魚肝一直都好想食,不過平時係居酒居太多嘢想食,一直都眼闊肚窄試唔到。呢度師傅首先會用牛奶浸過魚肝再蒸,所以入口嗰時非常幼滑,夠creamy,即使係我唔太鍾意食內臟嘅人,呢個魚肝內臟味都唔算好重,而且冇腥味,配搭酸汁啫喱同辣蘿蔔蓉,可以蓋過內臟嘅味道,味道更加有層次,令佢變成一道我好開胃嘅小食。-5️⃣ 究極海膽(👅: 9/10)終於嚟到今晚嘅主角,相信大家黎呢一間餐廳,唔多唔少都係為咗佢,係份量唔孤寒既招牌究極海膽。海膽用上北海道浜中小川赤海膽,師傅首先會用火槍燒一燒紫菜,擺上少少醋飯之後,將一整排嘅海膽覆蓋喺醋飯上面。海膽份量澎湃,色澤均勻。本身我對海膽唔係有好大好感,因為喺香港平時食到嘅,好多一係鮮味海膽味唔重,一係有腥味,但呢個海膽真係入口即溶,口感幼滑,夠creamy夠濕潤,每一舊都好肥美夠晒飽滿,綿密不斷,留喺口腔嘅係海膽嘅鮮甜味,少少苦澀味都冇,濃郁可口,令人回味再三,另外即刻食仲食到紫菜嘅香脆,絕對係外脆內軟,係我香港食過最好食嘅海膽,食完會令我對海膽改觀,而且想搵香港好食嘅海膽。-6️⃣ 松葉蟹甲羅燒(👅: 9/10)秋冬季要食嘅一定係甲羅燒,入邊有松葉蟹肉、蟹膏、鵪鶉蛋、味噌、蔥,啲面會係你面前用一個小火爐燒,幫你攪勻,喺隔離聞到香味不斷湧出。蟹肉夠長,咬落去口感札實,食落新鮮,蟹膏香味有不過唔會重到蓋過其他味道,成個蟹味濃郁,食完好耐仲停留喺口腔,比例配搭得好好,味道層次豐富,係我食過最好食嘅甲羅燒。-7️⃣ 時令醋物(👅: 8/10)食完咁重味嘅甲羅燒,餐廳俾咗一個時令醋物去清一清口腔,係一個用玻璃試管裝住既柚子醋啫喱,質地偏水狀,食落去酸酸甜甜,夠開胃,清新完味蕾,準備迎接下一個重口味菜式。-8️⃣ 特製和王和牛壽喜燒(👅: 9/10)之後上枱嘅係一個餐廳其中一個招牌,係特製和王和牛壽喜燒,和王係用上熊本縣A4級嘅頂級和牛。牛肉入口非常軟嫩,食起嚟牛味重,油香豐富,但唔會太膩,加上自家製嘅壽喜燒汁,更加滑身,加左特級松茸落去煮,蛋漿食落鮮甜帶焦香。驚喜嘅係呢個壽喜燒落咗少少山椒粉做調味,所以邊食邊感受到舌尖上的麻痹感,唔會淨係食到雞蛋嘅香甜,但又唔會有過火嘅麻辣感覺,非常過癮。下面仲有啲葛粉條,吸滿咗醬汁,連汁一滴不留咁清哂。-9️⃣ 櫻花蝦粉蕎麥麵(👅: 9/10)喺香港要食到好食嘅蕎麥麵係非常之難,因為冇咩專食蕎麥麵嘅專門店或者餐廳,不過呢度蕎麥麵就係餐廳嘅招牌,餐廳喺午市、晚市都有供應蕎麥麵,不過呢個套餐嘅蕎麥麵係特別版,因為上面加咗櫻花蝦粉,師傅將曬乾左嘅櫻花蝦磨成粉。日本鹿兒島直送既十割蕎麥麵,意思即係100%用蕎麥粉製作,冇用任何麵粉,咬落去偏硬身,帶煙韌彈牙,食落去蕎麥味重。而蕎麥麵嘅湯汁係用蝦仔乾、魚仔乾、蟹仔乾、海帶、昆布熬成,食落去係鹹甜交集,鮮味十足,加咗櫻花粉入去,食落去係非常鮮甜,令到成個蕎麥麵都香口左,而且多咗少少脆口嘅口感,湯汁同麵條非常夾,好快就鯨吞虎嚥食晒,呢個算係我喺香港食過最好食嘅蕎麥麵。-🔟 夜空寒天(👅: 8.5/10)呢個甜品絕對係依度嘅招牌,當初我留意到呢間餐廳嘅原因都係因為佢,外觀上成個藝術品咁,漸變色除咗好似海洋之外,睇落仲好似富士山。上面白色嘅係用咗喺Donki成日見到嘅「澪」氣泡清酒製成,下面嘅係用咗碟豆花加檸檬汁製成嘅寒天凍,要整成下邊好似海洋嘅藍色係非常困難,需要好多次嘅調教,因為喺黃光、白光嘅情況下顏色都會唔同,細心到連餐廳嘅燈光都考慮左,加上成個甜品都係用天然而唔係人造色素 ,呢個甜品值得佢咁出名。因為前邊食咗好多好似甲羅燒、壽喜燒呢啲咁重味嘅嘢食,需要一啲清新嘅甜品解一解膩,呢個甜品係可以做到呢個效果,咬落去係大菜糕同啫喱之間嘅口感,夠Q彈爽口,食落去係帶輕微嘅清酒味道,如果冇飲酒嘅人就會食到,飲咗酒就可能食唔到佢嘅酒味,下面就會食到檸檬汁嘅少少酸味,夠清新,係一個完美嘅完結。-🍶 真澄💰70(👅: 8.5/10)呢支係宮坂釀造真澄漆黑KURO 純米吟釀,入口淡華,飲落去係偏水果味,味道飽滿,同日本菜、海鮮非常搭配。-🍹果味梳打💰38(👅: 7.5/10)飲落去係桃味,正常唔算太甜。-🌟 整體食物質素絕對係高質,當中最欣賞嘅係佢哋嘅蕎麥麵、壽喜燒、寒天、海膽、甲羅燒、火炙右口魚邊、大拖羅。因為香港無咩專做蕎麥麵既餐廳,食完我覺得以香港質素來講嘅高質,下次會想係lunch Menu再試多次。可惜當中得海膽可以單點,其他只可以係OMAKASE MENU食到,如果餐廳可以單點絕對會再試上面既菜式。-👅味道: 9/10🍴環境: 7.5/10💰消費: $1480pp (服務費: 10%) continue reading
(The above review is the personal opinion of a user which does not represent OpenRice's point of view.)
Level4 2022-02-03
101 views
聖誕過後,知大家禮物都買到荷包緊😏今次見呢間omakase 一人落樓都唔過千,$698就試到🥰就嚟試吓新唔新鮮~Susoshu原來係sushi/soba/nihonshu嘅組合,由個名話你知主打咩野食🤟🏼店面唔算好大,omakase 係坐高櫈,但有幾個枱面櫃阻擋左食客與師傅嘅距離⬅️➡️唔係太睇到、更加影唔到製作過程🥲可惜左啲𝙁𝙤𝙤𝙙柚子沙律前菜酸酸甜甜幾好食,再嚟睇睇佢地嘅壽司九貫🍣🐟愛媛縣蜜柑鰤魚鰤魚係成長左、達60cm以上嘅油甘魚,而呢個特別之處係當地漁農會用特產蜜柑飼養🤤令魚肉鮮甜、帶有蜜柑味🍊🐟千葉縣金目鯛魚皮用火槍輕炙過變得香脆,魚油更加滲透口腔🤤🐟宮城縣鮮帆立貝隻帆立貝能夠大粒到完全遮住咗舊飯😱入口鮮嫩彈牙,原來秘密係佢完全冇加工,喺當地連埋海水直送到港,夠晒原汁原味,鮮甜度爆燈💡🐚北海道愛知縣白象拔蚌夠晒爽甜,味道夠濃厚,仲有啲海水味🌊🐟青森縣吞拿魚赤身用鐵板燒輕炙,入口鮮甜而帶有焦香🐟北海道秋刀魚秋刀魚屬於秋冬季當造魚類,越凍油脂就越肥美,原來為春天繁殖做好準備😎入口魚味非常濃厚而肉質鮮嫩🐟燒右口魚邊油份高,用咗蒜頭醬油漬,燒得香口之餘能夠入口即融~比起平時食到嘅左口魚更加滑身、冇渣❤️北海道浜中赤海膽好滑好smooth,就咁欣賞海膽嘅鮮味,簡直係一大享受🥰🐟青森縣大間產大拖羅熟成時間需要一個星期,處理嘅時候慢慢將魚筋軟化,令肥美的拖羅魚味非常突出🐟吞拿魚蟹肉三文魚籽手卷紫菜用火槍燒過,爽口唔韌🤤唔會食完舊飯仲同緊塊紫菜角力😏一路食,澎湃嘅魚油會一路湧出嚟🤤,加埋一直有口感嘅魚籽,咁有層次感真係食唔停口🤰🍡厥餅由師父每朝自家製,非常軟糯,上碟時仲帶住餘溫🥰捧住飽肚離開🤰真心覺得小資女用呢個價錢,食下omakase氹吓自己都幾諗得過啊😋 continue reading
(The above review is the personal opinion of a user which does not represent OpenRice's point of view.)
Level4 2022-01-01
58 views
今次係第二次黎食omakase dinner,因為上次2021年5月6日食過之後,對個無敵海膽🍣念念不忘🤤今次帶埋2個朋友去食🥢呢個下面係蟹肉,唯一我比較有欣賞既一道菜🌟壽司方面同之前omakase set一樣,中規中矩,反而今次個海膽🍣色澤同味道方面都無第一次食個陣咁好🥲甜品都係無換過,似富士山既sake pudding🍮反而,今次確實無上次咁驚艷,中間有個熟食係燒雞,what? Omakase 燒雞🥲果然第一次的回憶總是美好的🤣 continue reading
(The above review is the personal opinion of a user which does not represent OpenRice's point of view.)
生日月份除了有藉口大肆吃喝,最開心的是可以與朋友多一個機會見面聚餐。💗趁這個機會精選了幾間Book mark很久的餐廳。今次 #慧食豪啲啲 要介紹的這一家可是我最期待的!🤩🤩🤩無論環境、食物、服務,整體都很高評分。絕對值得推薦給大家!👍🏻✨事源早前看到電視節目上Alfred跟Mag去吃廚師發辦🍣吃得津津有味,心血來潮想大吃一頓!大多廚師發辦都比較專注在壽司部分,像我這類貪心的人總同時想吃吃其他。😋在友人推薦下,提醒了我SUSOSHU的存在,急不及待跟餐廳預約訂座及查詢最新套餐詳情。現經Openrice網上訂座,週一至週四可享全單八折。😍晚餐有 Set Menu(需提前一日預訂,兩位起訂)或 A La Carte Menu。*-。-。-。-。-。-。-。-。-。-*👩🏻‍🍳💬餐廳名稱SUSOSHU其實是「壽司Sushi🍣」、「蕎麥麵Soba🍜」和「日本酒Nihonshu🍶」的結合。意思是指「吃完壽司後以蕎麥麵作結。還有日本酒提供,店名很長的餐廳。」很可愛的解讀。😜晚巿廚師發辦套餐一共有十道菜🤗,是一頓豪華又豐富的創意料理。食物總類包羅萬有,無論味覺、視覺上都可以有雙重享受。👁👅由前菜到甜品,慢慢邊吃邊聊天我們花了3.5小時去完成這頓晚餐。每一道菜上菜時,職員細心講解食材的來源地、特色、建議食法等。💁🏻‍♂️💁🏻‍♀️除了讓客人品嚐到美食之餘,還提供了很多背景資訊,是很好的用餐體驗。食材大多由日本地區直送,搭配廚師特別的處理手法和烹調技術,個人心感新鮮和長知識。😎💫*-。-。-。-。-。-。-。-。-。-*⭐️⭐️⭐️「献立」廚師發辦套餐 $1,480/位⭐️⭐️⭐️🔘燒螢光魷魚配銀鱈魚脆餅根據味道濃度,建議先吃螢光魷魚(是看不到螢光的),之後再吃夾心脆餅,很香口的一口小食。🔘富山灣白蝦松葉蟹他他像一個小寶盒分了兩層。首先吃下層,是以白蝦肉和松葉蟹肉他他,中間以柚子味土佐啫喱相隔。頂部有三文魚籽、黑魚籽醬和鵪鶉蛋黃,攪拌入口令鮮味更加有層次。之後再吃上層,希臘乳酪搭配果乾,微酸帶點果香很開胃。🔘北海道~雲北海道3.6牛乳做的布甸放於橄欖油上,上層有用海鹽打出來的泡沫,有點像分子料理。建議食法:由上到下,三樣一齊入口。泡沫於口中溶化,橄欖油與布甸的重牛乳味沒有違和感,對個人來說是新穎的食物組合。🔘時令壽司 (四貫)OMAKASE當然不少得壽司部份,魚類新鮮。福岡縣深海池魚 | 愛媛縣蜜柑鯖魚鐵板燒火炙呑拿魚 | 火炙右口魚邊🔘大金槍魚腹紫蘇卷厚切拖羅放上紫蘇葉和芥末,用紫菜包着。魚油香和淡淡的紫蘇花香互相平衡,一啖放入口十分滿足!🔘究極海膽海膽迷沒發抗拒的一道菜!一大排海膽捧在手上,幾乎看不到醋飯的存在,好震撼!味道濃厚鮮甜帶回甘,入口即溶,極度Creamy!連我平常不吃海膽的人也覺得非常好吃!🔘燒北海道鱈場蟹蟹腳上菜時半開殼處理,方便食用,離遠就能聞到香噴噴的燒烤味。每人份量大概三至四隻蟹腳,算多肉。建議先品嚐原味,之後可隨個人喜好加上青檸汁、蟹味增、蟹醋調味。🔘燒鹿児島赤鶏鹿児島赤鶏肉於日本可作刺身級數生食用,餐廳將雞肉煮到七成熟,然後放到石燒板上由客人決定自己喜歡的生熟程度。雞皮上有蜜糖,經過糖化,入味之餘令到雞皮有少少微脆。雞肉鮮嫩,充滿彈性。搭配洋蔥和酸汁,不會覺得很油膩。🔘十割蕎麥麺~冷以100%蕎麥粉製作而成,無麩質。入口咀嚼時口感有點像生麺,能感受蕎麥和蕎麥顆粒的口感。沾上SOBA汁,亦不會感到很HEAVY。🔘是日甘味最先令我留意到這家餐廳就是因為這道甜品~太美了吧?像一件精緻的藝術品一樣,不捨得吃!糅合富士山 X 星空元素的寒天甜品,外形取勝。以清酒、檸檬汁及蝶豆花汁做成漸層,上層有閃閃效果,純天然不加任何人造色素,清酒味道散發出淡香而不濃俗,帶點清新,口感介乎啫喱和大菜糕中間,Q彈爽口。為整餐飯畫上了一個完美的句號。 continue reading
(The above review is the personal opinion of a user which does not represent OpenRice's point of view.)
Level4 2021-12-24
52 views
今日黎到尖沙咀嘅高質日本料理店_susoshu🤟🏻 聽講呢度啲omakase好正,一於試下距😎沙律用黎自日本嘅大根,清甜之餘仲無白蘿蔔嘅辛辣感,好正👍🏻前菜係醬油鯽魷魚,魷魚好淋身,完全唔韌,有入口即溶的感覺🤤主菜當然就係壽司啦🍣🤤九款即造壽司,款款都驚喜十足😎 最令我印象深刻嘅就係來自沖繩縣嘅活帶子,聽師傅講係漁夫一早捉起就洗乾淨就以低溫4度保鮮,即日送到香港,果然係食得到嘅新鮮🤤🤤另一樣值得表揚嘅就係手卷,多重口感,由吞拿魚,蝦乾,三文魚子等多種材料混合而成 口感豐富到不得了😎最後食個麵鼓湯,食埋店家每日新鮮即造嘅黃豆闕餅🤤 點一下抹茶醬,呢一個lunch超完美 continue reading
(The above review is the personal opinion of a user which does not represent OpenRice's point of view.)