樓下冰室 (Closed)

返工放lunch唔知食咩好，同事話想食番茄通粉，就去咗呢間冰室食啦~今次食咗個辣番茄牛肉通粉配豬仔包拼火腿炒蛋！首先講個通粉， 雖然話係番茄湯底，但係辣味唔算好重，畀譚仔5小辣再輕d，不過好重蕃茄味，如果你係啱蕃茄嘅人就應該會好鍾意佢呢個湯夠曬味！牛肉就中中挺挺不過不失，但好彩佢唔係用鬆肉粉去醃牛肉，所以都還可以啦！通粉就一般貨仔嘅冇乜特別~至於個豬仔包平火腿炒蛋呢，火腿炒蛋感覺唔錯，啲蛋唔老而且都多火腿絲，而重點係豬仔包係整得好脆口，如果牛油煉奶就更加好啦😛成個餐夾埋杯凍檸茶都係42蚊其實都幾抵食嘅，應該下次會再來~