大滿喜日本料理 (Closed)

同朋友食飯，因為個朋友係外國返黎，所以要同佢食返餐好既，俾朋友揀食咩，最後揀左食放題。魚生刺身一定唔少得，先黎個三文魚刺身，三文魚好肥美，全部三文魚腩，仲有八爪魚，帶子都好新鮮。芝麻雞翼唔少得，每次黎親都至少食四五隻雞翼，佢啲雞翼炸得好香脆。鰻魚燒得好香脆，個鰻魚汁好惹味。整體上大部份嘅食物質素都好好，如果第一次嚟食嘅就一定要試吓佢嘅芝麻雞翼，另外counter位置仲有好多嘢食可以自己拎，例如脆薯格、燒八爪魚丸、一啲日本小食等等，嘢飲方面都好多選擇，有烏龍茶、綠茶、可樂、橙汁、忌廉溝鮮奶等等，仲有雪條添。