大滿喜日本料理 (Closed)

放工約左朋友去旺角搵好野食，同事好醒目已經係大滿喜訂左位，17:30準時入座。小弟即刻柯打至愛刺身，火炙壽司同卷物，款色都多同齊，挪威三文魚刺魚夠肥美無筋，北海道鮮帶子夠厚肉，食完一轉即刻要再叫。好快又上至愛火炙系列，今次叫左鵝肝伴汁燒和牛，醬燒珍寶蟹棒，鹽燒三文魚，xo醬帆立貝燒和牛真係燒到岩岩好，又唔係全熟，醬汁惹味，加粒鵝肝吊味真係推介首選，真係低估左珍寶蟹棒個大細，真係夠大落足料，鹽燒三文魚保持水準，驚喜不算太大，xo醬帆立貝又係推介之選，愛食xo醬一定要試下，足料醬加份量大帆立貝，配搭一流，抵食卷物有2款特別吸引我，就係千島大蝦卷同露筍和牛卷，小弟自幼對炸蝦都情有獨鍾，千島醬配合足料大蝦，一口卷真係大滿足！和牛卷感覺比火炙燒和牛遜色，不過都值得一試。食到咁上下，緊係到甜品啦，3.6牛乳奶凍推介之選，牛奶味香軟滑又唔太甜，一食就食左2杯，今晚放題真係大滿足！