大滿喜日本料理 (Closed)

每次想食日本放題，總是頭痛著太多選擇，今次朋友話要帶我黎試下重質不重量，即管俾次機會試下。呢度佢地選擇唔算特別多，基本壽司，燒物，串燒，甜品都樣樣齊，但勝在部分夠特色。先黎蟹子沙律，蟹子份量唔少，青瓜絲夠清甜，係醒胃之選呀。壽司刺身點少得呢，刺身夠新鮮，三文魚，吞拿魚同甜蝦都試晒，不過唔夠上面呢兩款咁有特色，黑松露軟殻蟹卷物，軟殻蟹夠鮮甜又不油利，加上黑松露味道好特別。另外吉烈蠔卷物，將蠔cut開一半令蠔汁流晒入件壽司度，正。呢個都係必吃既羊鞍，黑椒味濃令蘇味完全辟除，肉質夠嫩而且充滿肉汁，必食呀個人認為。最後食甜品，店員推介這款是餐牌沒有的榴連炸彈，其實是炸榴連丸子。外皮熱辣辣同香脆，中間包住既係新鮮榴連，對榴連控黎講就係無得輸啦，不過對於唔食榴連既人，即是我朋友就認為陣味太濃烈啦。