Video
Read full review
2020-05-24
32 views
尋晚同兩個朋友敍舊，因為上一間餐廳full booking，輾轉嚟咗呢間蟹仙海鮮私房 蒸氣石碢(尖沙咀分店)食晚飯。一打開個餐牌，見到啲”海鮮價”都知道伏伏地，不過本住啲海鮮可能好食，加上無叫野食就走會尷尬嘅心態，我哋都選擇留低。經過一番討論之後，我同兩個朋友決定點一份二人海鮮餐再加一份$399嘅餐。以下係關於餐牌嘅描述：1. 每人必須點至少一份海鮮餐，價錢由$299至$688不等，而$999海鮮餐則屬於二人共享嘅餐。額外收費方面，星期五、六、日，公眾假期及前夕，每位需加$28。另外，粥底同醬油費(醬料只不過係好普通嘅豉油辣椒蒜蓉蔥同芫荽)每位‘再’加$12。但好多食客無留意嘅係，平常收開嘅加一服務費，呢間餐廳係以原價加一收取。舉例你點一份二人海鮮餐$999，原價係$1998，加一服務費就係$199.8。2. 餐牌雖然詳細描述咗有啲咩食物，但幾乎全部食物份量都未有註明清楚，而且同餐牌中嘅相片數量不乎。即使店員介紹過餐牌每個餐包含咗咩食物，但最終送餐過嚟嘅時候，食物同份量都會有唔相稱嘅地方。以$399同$999嘅餐為例，原本四選一嘅菜 (原條深海東星斑/野生大瀨尿蝦/冰鎮北韓象拔蚌/野生
經過一番討論之後，我同兩個朋友決定點一份二人海鮮餐再加一份$399嘅餐。
以下係關於餐牌嘅描述：
1. 每人必須點至少一份海鮮餐，價錢由$299至$688不等，而$999海鮮餐則屬於二人共享嘅餐。額外收費方面，星期五、六、日，公眾假期及前夕，每位需加$28。另外，粥底同醬油費(醬料只不過係好普通嘅豉油辣椒蒜蓉蔥同芫荽)每位‘再’加$12。但好多食客無留意嘅係，平常收開嘅加一服務費，呢間餐廳係以原價加一收取。舉例你點一份二人海鮮餐$999，原價係$1998，加一服務費就係$199.8。
2. 餐牌雖然詳細描述咗有啲咩食物，但幾乎全部食物份量都未有註明清楚，而且同餐牌中嘅相片數量不乎。即使店員介紹過餐牌每個餐包含咗咩食物，但最終送餐過嚟嘅時候，食物同份量都會有唔相稱嘅地方。以$399同$999嘅餐為例，原本四選一嘅菜 (原條深海東星斑/野生大瀨尿蝦/冰鎮北韓象拔蚌/野生琵琶龍蝦)同二選一嘅菜(野生大瀨尿蝦/野生琵琶龍蝦)，店員聲稱只剩野生大瀨尿蝦同額外增加嘅選項-饅頭蟹可以揀。我地點嘅兩個餐都揀咗野生大瀨尿蝦，因為點餐係每位收費，都會預計每人有一隻野生大瀨尿蝦享用，點知送到嚟得一隻，店員解釋呢一隻係二人海鮮餐嘅份量，咁我地再追問$399果個餐嘅野生大瀨尿蝦係半隻定一隻嘅時候，店員解釋係一隻細隻啲嘅瀨尿蝦。最後呢隻細隻啲嘅瀨尿蝦並無出現，老闆同老闆娘親自送上一客我地從來無點過嘅螺刺身取代，並且話呢隻螺係街市買都要三四百蚊，夾硬要我地”試下啦”咁收貨。而最離譜嘅係，依份刺身係食完所有海鮮、粥同甜品之後先送上(下文會解釋因由)，過程中我嘗試拒絕收貨，因為唔想食完所有熟食先食冷盤，而呢個螺刺身係從來無向餐牌上嘅套餐出現(同饅頭蟹一樣)，最後因為用餐時間太耐(下文亦會解釋)無奈食完就埋單走人。
螺 (前面); 饅頭蟹 (後面)
睇到呢到，大家可能會覺得收費有啲唔太合理或者有少少怪，但都應該考慮埋食物嘅質素同服務:
食物方面，餐牌雖然有提及海鮮嘅產地，啲海鮮都係新鮮嘅(因為有啲蒸之前仲郁緊)，但享用後都係覺得有啲言過其實，只係一啲普遍街市見到啲海鮮貨。其他嘅丸肉菜類都一樣，都係普通打邊爐果啲質素。重點在於份量，我地點咗兩個餐每人所獲得嘅份量如下:
蟹(半隻)、瀨尿蝦+螺(各1隻但3人分)、青年龍蝦(半隻)、鮑魚(1隻)、蝦(1隻)、刀貝蚌(1隻)、龍躉片(1小塊)、蟶子(1隻)、蠔(1隻)、雞件(1塊)、豬肉(4片但3人分)、牛肉(4片但3人分)、丸類(各2粒3人分 *只點咗一份二人餐先有)、有機蔬菜籃(包括: 南瓜1片、粟米1小片及菜1-2棵)以及甜品(1碗)
*有凍水提供且無額外收費
青年龍蝦
3 views
0 likes
0 comments
三人分嘅野生大瀨尿蝦
4 views
0 likes
0 comments
螺刺身
6 views
0 likes
0 comments
以上講嘅份量，以3個成年人嘅食量計係完全唔夠飽，但人均消費已經$603.3，個人認為收費同食物質素/份量完全唔合理。
再者，以上講嘅食物並唔係一次過送上，即使送上都要等店員調較火力同蒸煮時間先可以食，整晚用饍時間為3個鐘，2/3時間都係等店員幫忙煮同等食物，過程中我同另一位朋友都出現胃痛嘅情況，因為真係等太耐，而附近嘅食客都反映過相同嘅問題。啲食物已經唔需要煮(但要清洗或稍作處理)，點解要花上3個鐘時間上菜，明顯店員人手不足同欠效率。過程中，我地都有追單，特別係查詢瀨尿蝦，點知店員嘅回覆由”整緊”變到更多食客問果陣回答”無預到咁多walk in所以份量唔夠而且今日啲瀨尿蝦太細隻無拎出嚟serve”，要求我地改做牛肉或者饅頭蟹(唔知咩嚟)。我地同其他食客有要求可唔可以退錢，但最終店員唔受理，安排咗由九龍城分店運送瀨尿蝦過嚟，但最終我地點嘅其中一個餐嘅瀨尿蝦就被改做螺刺身…
服務方面，我覺得店員係幾用心serve，但因為人手不足問題，要等佢地處理完手上工作先可以過嚟調較蒸煮時間，餐牌又無建議蒸煮時間等我地自己動手，呢方面我覺得有啲怠慢咗嘅。另一方面，一開初店員都好用心推介邊個餐抵食，但去到後期(點餐後)我地追問有無漏單同實際份量嘅時候，竟然要中途離開問老闆，去到呢到更加覺得中伏! 但整體覺得店員待客都十分友善同用心。
其實仲有蒸煮用個蓋同付款嘅問題，但相比之下呢啲變得無咁重要就唔多花篇幅去講喇~
作為食客，我真係無必要要做一個Hater，有時去過啲好好食嘅餐廳都未必咁用心打一篇食評，但每當諗到”君子愛財，取之有道”呢句說話，而呢間餐廳帶住些少誤導成分，逼住食客接受/合理化佢地提供嘅食物同服務嘅時候，我覺得應該要客觀將事實呈現俾大家參考同分析，呢啲餐廳真係唔應該盲撐! 整晚嘅用餐時間，唔止一枱食客有抱怨，希望呢間餐廳用心聆聽食客嘅聲音，多作改善!
Other Info. :
#朋友話聽到店員講有訂座嘅點餐份量會多啲，但我無聽到所以唔肯定
#朋友又話啲豉油無咩味
(The above review is the personal opinion of a user which does not represent OpenRice's point of view.)
Post
