云手工火鍋店

Open Now

Now Closed

同朋友想搵個地方一邊打邊爐，一邊傾吓計，揀左依間火鍋店。店內以深色調為主，帶少許型格感，幾有格調。個環境好適合傾計，坐得亦舒服。🍲湯底：松茸雞翅冬瓜魚鍋一上枱已經覺得賣相好正，份量超多！完整一個圈嘅冬瓜，冬瓜外圍有滿滿松茸，上面再有素翅、雞件、冬菇、雜菇等。一直聞到陣陣松茸香味，湯底清甜，材料味道好夾，好味又養生。建議先飲湯，品嚐左原材料嘅清甜味，再加配料打邊爐。🍗避風塘雞軟骨份量都幾多，有胡椒香，脆口又惹味。🥩美國安格斯牛肉 (中)牛肉切得好夠薄，有牛味，幾香。🥓西班牙黑老豬豬肉同樣切得薄，比較有咬口。🧆香煎鵝肝墨魚丸 (半份) & 手打鹹蛋黃蝦丸 (半份)味道配搭幾特別，質感較結實。我地重叫左🥓午餐肉、金菇同唐生菜🥬。午餐肉幾厚身，口感軟綿。蔬菜亦新鮮，平衡下肉嘅油膩感。