勝香園

Open Now

Now Closed

依間真係香港馳名茶記。無論幾時去幾點去都係咁多人，真係次次都要排隊先食到。其實除咗遊客之外，香港人都有唔少。今次黎照樣叫咗佢最出名嘅茄牛麵，咖央多同凍奶茶。佢嘅面既重點係勁多鮮茄，多到覆蓋晒全個麵咁制。不過佢又唔會太酸。而且佢嘅牛肉嘅份量都啱啱好，食晒碗麵就食晒啲牛。咖央多好香脆，而且搽上蜜糖，甜甜地。其實好普通但已經足夠好食。凍奶茶亦都係我系茶記飲過比較好飲既，奶茶味好濃。如果要講點解依間鋪頭咁出名，可能係因為老字號。雖然好多人會覺得佢賣嘅都係普通野，唔明點解仲有咁多人排隊，但簡單同好食好足夠。