嘉樂冰廳 (新村街)

Open Now

Now Closed

久唔久又想到訪嘉樂，雖然假日例牌要排隊，抽起條筋想食雞翼就排下啦。明明即將要晚飯都忍唔到，仲要排左半個鐘以上，唔敢話出品好驚豔，但我buy佢大件夾抵食。對面兩個女仔叫一份蛋治一杯飲品，都冇眼望望啊大佬上次已經試過蛋治、奄列，另一半是日想食牛腩麵先黎的，由於知道食物份量偏大，唔敢抖膽點兩碗麵，所以點左份西多、雞翼同炸雲吞就收手。即時製作，需時等候。牛腩麵 $30比起一般牛腩麵約1.5倍份量，牛腩都有六、七件，就唔係切腩，係啲柱候牛腩燜過咁。湯底濃得黎都唔算太鹹，麵底幼身，食落軟，好在唔腍。牛腩大粒，仲俾左啲少少牛筋，口感唔韌，腍身入味。以30蚊黎講，真係抵食囉酥炸鮮蝦雲吞 $36分鮮蝦同韭菜餡，可以半半混合。雲吞細細粒，即炸，皮薄硬脆，油份點都有啲。裡面有明顯蝦肉，新鮮，一口size我最鐘意西多士 $21連個西多都好似特別巨型？賣相好似幾好食，煎得幾靚仔冇燶邊，可惜味道一般。裡面百無，單靠蛋漿煎起，蛋漿冇味，加上麵包厚身，唔能夠完全吸收蛋漿。西多士口感太厚，儘管狂倒糖漿、搽勻牛油都仲係好乾，根本係食緊麵包豉油王雞翼 $36恭候雞翼多時，酸辣醬對我黎講係多餘。雞翼肥大，啱啱好熟，亦都好滑。