野川拉麵の深燒食堂

Open Now

Now Closed

成日經過呢間野川拉麵今次終於有機會試下。餐廳裝修得好得意，雖然係食日本嘢但係裝修有少少韓風，正前方仲有大屏幕播住流行歌，好有氣氛，難怪咁多年輕人幫襯。牛肉壽喜燒$98好大鍋，而且材料豐富，入面有好多唔同料如牛肉、豆腐、菜、菇、粉絲等，另外仲有一隻蛋，等d料滾左可以自己加落去。汁燒極上和牛贊歧手打烏東$88烏東有唔同湯底簡，我地簡左豬骨湯，烏東好彈牙而湯底則唔算好濃味。呢個烏東既牛肉有驚喜，一食就知係靚牛，彈牙有牛味，難怪呢個烏東叫「汁燒極上和牛」。小食併盤$72小食併盤有幾款，我地就簡左北海道芝士薯餅、香脆蝦角、甜薯香芋丸。蝦角好好食，足料咬落去啖啖蝦，而芝士薯餅係爆曬芝士，中間流心咁，睇見都覺得吸引。蟹子沙律$58超大份！ 差唔多係3人份量咁多。芝士年糕$19 & 吉列蠔$29 & 鰻魚壽司$32 & 牛油蒜蓉焗蜆$29呢幾樣食物都係like左 fb post就可以享用半價。推薦芝士年糕，外表炸金黃色，年糕好煙韌，同樣入面好足料好多芝士，岩曬中意食芝士既人。牛油蒜蓉焗蜆都好抵食，好香蒜蓉味，而且份量好多，半價左$29蚊真係好抵呢。