Cambo ขุนทอง (The ONE)

喺The one行街，經過見到有泰國菜餐廳，望一望餐牌見午餐都算實惠，於是便入去一試，質素原來唔錯呢，收藏餐廳系列又多一間了，以後去尖沙咀區都不愁找不到心水泰菜。午餐set大部份都只係六、七十蚊，非常抵食。泰式豬頸肉濕炒河，配埋餐同特色湯飲品紅豆冰 $80。另外單點泰式青咖喱軟殼蟹鍋（配法包）$98，用火爐熱住青咖喱汁，軟殼蟹鬆脆香口，法包外脆內軟，沾上青咖喱汁食，味道十分好!再叫多一客甜品拼盆 $113，有焦糖燉蛋、泰式椰青糕、椰汁千層糕同香芒糯米飯，每一樣甜品都做得好好，亦唔會太甜。