鍋処雪舟 (Closed)

今次介紹呢間日本料理，星期六日都有午市定食供應。刺身定食價位大約$250-$300 +10%。前菜有小鉢、味噌湯、沙律🥗同茶碗蒸。沙律的和風柚子沙律醋酸酸甜甜，清新開胃。茶碗蒸的蒸蛋極之嫩滑，蛋味香濃！主菜的香蔥油甘魚丼油甘魚肥美鮮甜，珍珠米混入菇粒後口感更豐富。當日套餐的甜品係傳統的水信玄餅，軟滑帶天然的微甜，配上黑糖漿同黃豆粉後依然感覺清新。餐廳環境恬靜，而且店員好有禮貌。係一間非常適合約會見客的餐廳。