78
1
0
6-min walk from Exit F1, Causeway Bay MTR Station continue reading
Telephone
31883350
31883351
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Payment Method
Visa Master AE Cash UnionPay Alipay
Number of Seats
60
Other Info
Online Reservation
Wi-Fi
Alcoholic Drinks
May Bring Your Own Wine Details
Reward Dining Points
Delivery
10% Service Charge
Spot payment
About Reward Scheme
Review (81)
Level4 2018-09-18
78 views
今天星期六, 香港天文台預告明天颱風 "山竹" 會到港, 提議大家要安坐家中.  碓保安全.  我們怕悶, 今天先約閏蜜去銅鑼灣逛逛,  享受一個午餐.   再去 shopping, 開心一下, 再等颱風來臨. 閏蜜話  開平道 Cubus 有幾間高級食肆,  她想吃日式午餐, 於是選上六樓  鍋処雪舟.   餐廳裝潢甚有日本文化, 瓦片一塊塊重重疊疊堆砌, 很有心思.設計高雅大方, 有 VIP 日式房間.也設有大型壽司吧.  長桌.店員很有禮, 招呼好好, 安排了房座給我們.  私隱度高, 午餐供應特別套餐, 有刺身, 壽司, 火鍋, 定食, 還且陶板燒.   我们看見精緻的 飛驒牛公仔, 再看餐牌,  決定了点 日本産飛驒牛套餐, 包括: 先付, 小鉢, 沙津, 漬物, 日本產飛驒牛 (80g),  蔬菜籃, 飯, 味噌湯, 甜品.  $480-漬物, 沙律, 配搭得好.沙律菜新鮮, 豆腐綿滑香口. 調味好, 添開胃.店員把食物爐具送上, 食材新鮮, 很不錯.   有三款湯底可以選擇: 大蔥風味鍋, 昆布清湯鍋 及 壽喜燒. 我們喜歡 昆布清湯鍋.配上:  蘿蔔辣椒蓉 ,  蔥花, 及餐廳自家調製的醬料:  麻醬 及 柚子醋. 蘿蔔是手磨成, 更帶些微辣.  蔬菜籃內有:  西生菜, 津白, 豆腐, 鮮冬菇, 薯粉, 好豐富,日本產飛驒牛, 油脂分佈均勻像雪花,  色澤嫩紅, 香港少有.昆布清湯非常清甜, 先放蔬菜, 冬菇入湯鍋內, 飛驒牛灼幾秒便可,  牛肉質幼滑, 入口即溶, 軟綿嫩滑, 牛氣迫人. 我們把餐附送的飯改為 烏冬, 加了 $20-.  湯底, 有昆布, 魚味, 蔥香, 再加溫泉蛋$10-.烏冬 彈牙, 伴入溫泉蛋, 夠香夠滑, 入口豐富.最後送來甜品 : 牛奶布甸, 牛奶味濃, 布甸滑滑, 不太甜. 好美味.餐飲 : 熱柚子蜜,  這個午餐, 食物質素高, 餐廳環境同服務好好, 我倆好滿意.  可以介紹給朋友. continue reading
(The above review is the personal opinion of an user which does not represent OpenRice's point of view.)
早前跟客戶到這裡吃飯,餐廳的服務態度及食物質素都極高,事隔多月,今次同老公再次黎到"鍋処"嘆返個午餐。 熟悉的環境加上貼心的餐廳職員,令我們有種親切的感覺!坐下來不久,店員先遞上熱茶及熱毛巾,認真窩心,還為我們做了個簡介,推介下,我選了"本日之定食"之"陶板燒御膳 - 九洲黑毛和牛”套餐包括有刺身三種、小砵、沙律、白飯、味噌湯、漬物。先黎前菜,賣相相當精緻南瓜沙律 南瓜磨成蓉,加點乾果,口感非常幼滑creamy,配以新鮮的沙律菜及少許酸酸的沙律醬,確實好吃!酒煮矮瓜 、 汁煮牛脷矮瓜煮得很腍很入味,酒濃清甜!牛脷厚切,極富口感!質感爽口非常,非常意外刺身三點刺身非常新鮮,尤其是吞拿魚,入口軟腍!主菜來了 陶板燒定食 - 九洲黑毛和牛嘩!看肉色澤紅潤,脂肪分佈平均,考靚靚呀!(心心眼)首先將陶板燒熱,之後急不及待把黑毛和放上去一放落去,渣渣聲,聽到都已經好想吃啊!仲發出陣陣牛味,好香呀餐廳備有三種醬料檸檬汁酸酸地好醒胃、香草海鹽好香幾清新、燒汁好惹味嘩嘩嘩!基本上放上陶板燒1-2分鐘就可以吃了!師父之前已經加了少許鹽及黑椒,所以不用調味,就這樣吃也超級好吃的啊!那和牛口感軟腍,入口即溶,那陣牛味一直在口腔內迴旋,真心超級好吃! 餐仲配有一碗飯,和牛配白飯,簡直滿足!食飽飽,再來味噌湯暖暖胃跟餐還有甜品 - 牛乳布丁這個布丁確真在很香滑,奶味極濃但不甜,是一個非常捧的甜品啊最後嘆埋杯檸茶,跟老公談談心,又過了一個愉快的下午,實在太滿足了!離開前八掛四周望望,原來這裡有幾間房間,可以一大班朋友來,真是不錯~事隔多月,服務態度及食物質素仍然保持相當高的水準,這真不容易啊!看的出餐廳的認真、真誠待客,下次我一定還會再來! continue reading
(The above review is the personal opinion of an user which does not represent OpenRice's point of view.)
Level6 2018-07-25
752 views
週六爸爸要開會,靚靚媽咪一聲話想食和牛,細佬即上網覓食,好輕易咁就喺銅鑼灣家「鍋処雪舟」成功訂座,效率同平時工作時一樣咁堅!步出升降機門,即見左旁陳列架上擺滿名貴清酒o既酒樽,未入座已聞到高級食府陣味。餐廳佔用面積全層,門面流線形o既禪式設計和風得黎極富時代感。右手邊為樓底高高及空間感足之用餐大堂,近窗一排二至四人散座,中央則為圍繞著開放式廚房之吧位。細問下得知店內有三間私人廂房。最右方嗰間有窗透光o既可容納十至十二人。可能訂位時提過有意點食「和牛壽喜燒」,二人居然被安排入座其中一間榻榻米房內,豪華得很。房中架上o既日本清酒及紅酒酒樽全為名牌,更顯氣派非凡。不過最深得小肥心o既就係穿上鼻環o既飛驒牛公仔,超萌!埋位先有熱茶及熱毛巾,窩心暖手。好快仲幫兩口子落埋單添。由於房間長期關上敞門以增加私隱度,食客如有需要搵服務生,只要簡單按鈴即可。壽喜燒鍋膳之A5日本產飛驒牛($480):壽喜燒鍋膳原來大部份係由專人即場燒煮,所以上食材前要先備好爐具及醬汁。燒煮壽喜燒所需之醬汁包有木魚湯及師傅秘淆之壽喜燒汁。鍋膳包有三款前菜,其中甘薯沙律都幾飽肚。最有驚喜就係個香濃潤甜o既酒煮矮瓜,美味程度居然可以令到最怕食紫色食物o既XO仔讚不絕口,堅掂!第三碟汁煮牛脷厚身得黎軟腍甜美。不久,壽喜燒o既食材即呈現眼前。並由溫婉o既姐姐用心地邊講解邊慢慢燒煮。電爐夠熱,姐姐就先燒件肥厚o既和牛油脂方塊,均勻地塗滿鐵鍋,好等食材唔會黐底。接著就先爆香啲洋蔥同大蔥。邊燒邊混入自家淆制o既壽喜燒秘汁。滾到咁上吓就可以快煮A5日本產飛驒牛,因為薄薄o既和牛幾秒已經熟透。應建議先攪拌好蛋黃鮮美o既日本靚蛋。飛驒牛一上碗,即點上滑溜o既蛋液,嘩,和牛軟腍香滑,甜味及和牛肉塊同時溶於口中,齒頰留香就是如此!姐姐話一般唔幫煮菜品,不過就教路可以邊加壽喜燒秘汁慢煮,如果覺得濃味得滯就溝少少木魚湯,當中菇類比青菜需時,所以要先落。細佬唔多入廚,一口氣就放哂啲雜菜入個鍋入面,靚靚媽咪就梗係睇到搖哂頭啦;嘻嘻,結果要灌多啲壽喜燒秘汁同木魚湯轉用大火煲。煮至剛熟o既黃芽白爽脆非常,雜菌則軟腍入味。最後用埋啲壽喜燒汁煮熟加點o既烏冬可謂吸盡和牛壽喜燒o既精華。麵條煙韌彈牙,香甜柔潤,實在美妙。是日甜品牛奶布丁好生鬼地用上牛牛o既黑白紋小碗承載,襯到絕呀!凍凍o既牛奶布丁芳香微甜,軟身得黎又帶點彈性,最重要係一啲都唔膩滯。飯後飲杯香濃o既咖啡,腸胃特別舒暢。週末午餐難得可以唔洗咁趕,小肥就同母親大人撐枱腳,為嘆和牛一訪「鍋処雪舟」。高級日本料理環境高雅闊落有氣質,服務及壽喜燒鍋膳同樣高質,午市套餐豐盛,價錢又合理,個人誠意推介。 continue reading
(The above review is the personal opinion of an user which does not represent OpenRice's point of view.)
Level4 2018-07-09
747 views
有個朋友去日本工作左幾年最近返左來香港早排約我食飯話帶我食好野咁話佢對日本餐廳好有要求可能留o係日本都一段時間受到日本人認真嘅態度影響我相信佢介紹得一定係有高質素保證一來到就覺得去左日本咁呢度有超開揚bar檯、餐檯同廂房lunch set有好多選擇lunch set包左小砵、沙律同漬物我地點左飛驒牛同牛小排set大蔥醬油鍋膳(日本産飛驒牛)前菜非常豐富我第一次食飛驒牛非常驚喜口感軟綿嫩滑蔬菜非常豐富同新鮮個餐附送彈牙烏冬(可轉白飯)又滑又彈牙個大蔥湯底非常香係餐廳自家調製陶板燒定食 (美國牛小排)牛小排燒完肥美甘香牛肉味濃前菜南瓜同番薯燒到面頭帶微微焦香yummy:最後有甜品食牛奶布丁超滑好好食整體感覺好滿意環境同服務一流食物高質素高唔洗飛日本都食到好野真係太幸福啦ps.餐茶叫左熱咖啡口感香滑味道香醇 continue reading
(The above review is the personal opinion of an user which does not represent OpenRice's point of view.)
Level4 2018-06-09
3301 views
以鐵板燒聞名雪舟,也開了一間以供應日本海為為主的餐廳,鍋処雪舟。鍋処雪舟主打特色火鍋及招牌菜日本和牛,還以健康概念,低脂低熱量為烹調,把食物以達到鮮嫩美的質素,確實誠意萬分。******************************從電梯而出便是鍋処雪舟的接待位置,便已經看見鍋処雪舟內的環境。餐廳地方也很大,光線充足,環境也很舒適。還有吧枱,可以坐著看著主廚準備刺身美食也是不錯。是日定食共有4款,3款不同的和牛肉選擇的板燒御饍,價錢由HKD300-HKD440。銀鱈魚西京燒 HKD190。三色丼 HKD250。美國肉眼扒 HKD250。全部定食都附有茶碗蒸,先附、小砵、沙律、味噌湯和漬物。鍋膳套餐,由HKD180-580不等,都是以肉類為主,再配上先附、小砵、沙律、味噌湯、漬物、甜品和餐飲。刺身及壽司午膳,還有和膳,HKD190-HKD380不等,都是包了先附、小砵、沙律、味噌湯、漬物、甜品和餐飲。任何套餐都有先附、小砵、沙律和漬物。今天沙律之外,便是涼拌茄子和牛舌。沙律清爽,作為開胃菜是不錯的。茄子調味輕盈清新。沒想到牛舌煮得很腍,口感有點像吃牛腩的一樣,還有甘筍的新甜,吃完便有一種再想繼續吃下去的感覺。三色丼 HKD250,三色丼是吞拿魚丼、三文魚親子丼和海膽蟹肉丼,還包括了先附、小砵、沙律、味噌湯、漬物、甜品和餐飲。三色丼中包括了味噌湯,味噌湯內附有些魚肉、腐皮、豆腐和湯帶,所以味噌湯是真材實料,不是用粉所煮成的,味道略帶魚鮮味在其中,不錯。不得不要讚這個海膽蟹肉丼,食材來自日本無論海膽或是蟹肉都一樣鮮甜無比,蟹肉拌入飯之內,每一口飯都充滿著蟹肉鮮味,確實好味。三文魚親子丼,是三文魚加三文魚子飯,魚子鮮甜又爆汁,三文魚很肥美,油甘鮮味十足,又是另一滋味在心頭。吞拿魚丼,第一次吃到吞拿魚滑溜無比,而且鮮味十足。吞拿魚之下還放了幾片漬菇片,配著飯而吃把魚鮮味更加突出,又是讓人吃得難忘。餐飲凍檸檬茶,茶味清香,又不會很甜,確實不錯。甜品,牛乳布甸,用上日本牛乳所製成的布甸,牛奶味香濃,口感滑溜無比,就像入口即溶的一樣,完全讓人很滿足。 continue reading
(The above review is the personal opinion of an user which does not represent OpenRice's point of view.)