Video
Read full review
2025-06-08
231 views
北角呢度發現到lunch menu 抵食！Weekday Set Lunch $128 起Penne Arrabiata (辣車厘茄長通粉) $128Polpettoni Pasta (自家製牛肉丸蕃茄芝士意粉) $146之前都有去過Abbraccio 中環嗰間，見到原來北角都開左，一於book 定lunch time try try！Abbraccio 係食意大利菜，中價位，唔會太貴，埋單應該lunch set 大概$150至$200左右，餐廳環境寬敞，座位之間有足夠空間，裝修有格調，傾偈係唔錯嘅選擇。叫咗兩個set lunch，第一道係長通粉，由於用咗白酒烹調，味道非常開胃，帶有酸甜味。茄蓉同長通粉亦混合埋一齊，好入味嘅意粉👍🏻我最鍾意嘅係第二道嘅意大利粉，佢個安格斯自家製牛肉丸真係不得了。非常Juicy，每一粒都好大粒， 大大粒十分滿足。口感超級飽滿，咬落去係啖啖肉，而且仲有少少牛肉湯汁，好有誠意🤗 而且牛肉味濃郁，鍾意食牛嘅朋友一定要叫呢個！每一次去都必嗌甜品，今次除咗Tiramisu (+$38)，亦試了Panna Cotta (+$20)。兩個都係意大利嘅經典甜品。意想不到
Weekday Set Lunch $128 起
Penne Arrabiata (辣車厘茄長通粉) $128
Polpettoni Pasta (自家製牛肉丸蕃茄芝士意粉) $146
之前都有去過Abbraccio 中環嗰間，見到原來北角都開左，一於book 定lunch time try try！
Abbraccio 係食意大利菜，中價位，唔會太貴，埋單應該lunch set 大概$150至$200左右，餐廳環境寬敞，座位之間有足夠空間，裝修有格調，傾偈係唔錯嘅選擇。
叫咗兩個set lunch，第一道係長通粉，由於用咗白酒烹調，味道非常開胃，帶有酸甜味。茄蓉同長通粉亦混合埋一齊，好入味嘅意粉👍🏻
我最鍾意嘅係第二道嘅意大利粉，佢個安格斯自家製牛肉丸真係不得了。非常Juicy，每一粒都好大粒， 大大粒十分滿足。口感超級飽滿，咬落去係啖啖肉，而且仲有少少牛肉湯汁，好有誠意🤗 而且牛肉味濃郁，鍾意食牛嘅朋友一定要叫呢個！
每一次去都必嗌甜品，今次除咗Tiramisu (+$38)，亦試了Panna Cotta (+$20)。兩個都係意大利嘅經典甜品。意想不到Panna Cotta 雜莓奶凍竟有驚喜。非常濃郁嘅奶香，同埋識得震嘅Texture，軟滑無比之餘仲好Creamy🤎
餐廳service好好在好熱情，可能外國style😂
Post
