阿媽靚湯 (Closed)

每隔一段時間又會嚟食雞脾紅豆冰下午茶, 雖然每年加價1蚊, 但呢個餐都仲係抵食, 豉油皇雞脾加杯紅豆冰都係$21咋~ 轉其他凍飲熱飲都得, 或者加$2轉其他口味嘅紅豆冰, 例如 Cappuccino, 奶茶, 好立克, 阿華田紅豆冰等等....如果唔夠食仲可以加$10要半份西多士~我通常都係叫原味紅豆冰, 今次味道都唔錯, 甜度適中, 仲有唔少紅豆㗎~ 不過今次啲紅豆有部份仲係硬硬地未煲腍嘅....呢樣真係差啲喇!!而且冰塊都多咗啲!好彩隻雞脾都保持到, 豉油皇好入味, 最緊要又唔會太鹹, 送上枱時仲熱熱地㗎....雞脾大細就睇彩數啦, 有時會瘦啲, 今次好彩都唔算細隻~啖啖肉!