阿媽靚湯 (Closed) View

中學時期成日黎到太子呢邊搵野食,當然唔少得阿媽靚湯,阿媽靚湯出名大件夾抵食,可能因為佢算係宗教信仰既飯堂,所以多飯少飯多咩少咩都永無say no!呢到比我既感覺係：坐到入黎最緊要食得飽😆而我最鍾意食佢地雞脾紅豆冰！雖然話就話係茶餐,但佢地雞脾真心好大隻,叫油脾仲要燜得好入味😌呢d係咪叫全脾呢,真係食到lamlam脷🙈另外我敢講,呢到既紅豆冰,差不多係紅豆佔左個杯既一半,相比起連鎖性既快餐店,一黎呢到紅豆份量較多,二黎又唔洗加錢,真係食足10年都有喇🙈🙈

我喜歡喝檸檬茶，可惜很難遇上有水準的檸檬茶，就我的經驗而言，它們要不是茶味單調就是過於寡淡，未能跟檸檬的味道調和配合，所以要喝到一杯令人回味的檸檬茶實在不易！今天有幸在這裏喝到一杯頗有水準的檸檬茶，深棕紅的茶色應該是經過多次沖泡才有的色相，所以茶味才厚實甘醇，把檸檬的味道烘托得十分清新，令人回味。飲品雖然是餐桌上的配角，經營者無必要多花心神於其中，然而從這杯檸檬茶中我喝出了一分誠意。

從一開始開張一直都有食開，水準一向幾好，午餐和晚餐分量和味道不錯，價錢正常。直至最近最去食午飯，隨便點了個咖哩雞飯，一碗咖哩雞，四大件薯仔和兩小件雞，連另一枱食客也出聲：「XXX 姐，唔係嘛，你啲咖哩雞得兩小件?」最後佢補返兩小件雞俾我地。雞肉完全冇味，還記得以前的餐水準不錯。我明白做生意係要賺錢，但唔係咁做法.....連連鎖店都不如，點樣支持小店？招牌易拆，口碑難建～

以前有幫襯開呢間野，覺得碗湯好好飲，雖然啲食物不嬲麻麻地。今晚突然好想飲湯，就幫襯啦。外賣左個菜芯炒肥牛，侍應有問我加唔加錢換燉湯(原來依家有燉湯!?) 我要普通湯算啦，因為以前覺得好好飲。打開碗湯，湯渣都無條，成碗好似溝水咁淡到痴線，姐係想焗人加錢轉燉湯啦！！！好過份啊… 飲兩啖已經放棄，咁嘅生意手法真係好趕客。食物方面都無乜期待架啦，菜芯好老又多渣，肥牛柴，一向都係呢個質素。食到好灰，唔會再幫襯。

近日每逄星期一放工都要去太子一趟，同事在䌓忙的工作中都不忘推介一些美食給我，等我在放工後享受一下今次就介紹了這間餐廳給我，餐廳名叫阿媽靚湯，當然主打是那碗美味的湯水。一坐下看看餐牌，也有很多不同的選擇，但最特別的地方是太子飯，好似很健康的樣子但纖維相當豐富，建議胃部消化不良的朋友，不要吃太多，但胃部無問題的，可以好好品嚐。點了一客銀魚肉飯太子飯，配一個住家靚湯湯水不會太油，而且味道相當不錯，也有家中湯水的感覺，阿媽靚湯果然名不虛傳，住家味濃可能因為即叫即蒸，等待肉飯的時間也不短平日在街邊食肉飯，會覺得生油加上豬油的味道相當油膩，但這個銀魚肉餅飯，滿有銀魚的香味，而肉餅也不會過於油膩，就像家中的菜一樣，以健康為先。而王子飯內容豐富配合起來相當美味，且有層次，而營養價值高，建議一定要試試。平日在街上食飯，有時總會想起家中的住家菜，若下一次在街上尋找餐廳時，又想起家中的住家菜，可以來一趟以解大家思念家中之苦（當然可以的話，回家是最後的方法）

參加完喪禮晚上九時多，想隨便找一間餐廳吃個晚餐便走進來。我本身沒有想要要求味道好，只想填飽肚子，但想不到這間餐廳依然可以讓人大失所望。1）選擇少、六點後更沒選擇一張墊枱紙另加牆上5、6個餐就是整個餐單。六點後再少一半選擇，只有10款「大碗飯」和5、6個晚餐。但10款飯中基本上只有兩種選擇：5款是雞，5款是牛。誰知當晚還沒有雞，只剩牛肉飯。得知後其實我已經想離開，但一來我只想趕快吃個晚飯，二來我是和父親一起來所以就隨便轉叫了「燒汁肥牛飯」，但沒想到後面還有更差⋯2）味道差、牛肉未熟味道果然不出所料，非常一般，但還不至於吃不下的程度；可還是比快餐店難食，或者是因為我本身已經不太想吃「燒汁肥牛飯」（但那時已經沒有選擇⋯）但意想不到的是，當我吃了1/4時，發現肥牛的背面根本未熟，還是通紅的。我叫了待應，她說會立刻幫我換過另外一款食物，但我這時候已經絕望，所以我就取消了我的飯。3）「靚湯」跟水一樣我爸的餐跟了湯（因為「阿媽靚湯」這名字），但他說味道跟水一樣，而且絲毫湯料都沒有。這次根本就是中了個大伏。我還是第一次感受到「冇咩希望，依然失望」。

每隔一段時間又會嚟食雞脾紅豆冰下午茶, 雖然每年加價1蚊, 但呢個餐都仲係抵食, 豉油皇雞脾加杯紅豆冰都係$21咋~ 轉其他凍飲熱飲都得, 或者加$2轉其他口味嘅紅豆冰, 例如 Cappuccino, 奶茶, 好立克, 阿華田紅豆冰等等....如果唔夠食仲可以加$10要半份西多士~我通常都係叫原味紅豆冰, 今次味道都唔錯, 甜度適中, 仲有唔少紅豆㗎~ 不過今次啲紅豆有部份仲係硬硬地未煲腍嘅....呢樣真係差啲喇!!而且冰塊都多咗啲!好彩隻雞脾都保持到, 豉油皇好入味, 最緊要又唔會太鹹, 送上枱時仲熱熱地㗎....雞脾大細就睇彩數啦, 有時會瘦啲, 今次好彩都唔算細隻~啖啖肉!

自從近月來奉行健康飲食原則後，從前餐餐大油大膩，嘴食個不停的日子，俱往矣....不過忍口忍得耐，間唔中也想放肆一下的。這是小弟的本性，很難改....特別是碰著邪惡而又美味的東西，更難受誘惑....好像今天，來到太子區內這一間街坊食店，看見從不介口的太太點呢個又嗰個，全都是肥膩到不堪的港式下午茶必備之物。坐在旁的我，已不停在吞口水....一只滷水雞肶、一件西多，再來多杯紅豆冰，此時彷彿經時光隧道走回孩童時代，重溫以前放縱食慾與肚皮們好歲月....雞肶鹵味濃重，很入味，邪惡之物也；光睇到炸西多上的那一大pat半溶牛油，就已知膩到曝了。而且裡頭還塗有花生醬，入口甜上加甜，邪惡度又提昇了一倍也不止；紅豆冰的缺點是冰塊太多，弄得味道變得稀淡。幸好塾底的紅豆沒見死硬，煲得非常的"溶"....心裡立了誓，吃完這頓後，未來一段日子絕不會再碰如斯令人產生有罪惡感的東西 (希望不是只說說而已)....

鰻魚汁肥牛飯好食，第二次點。魚肉雲吞拉麵好難食，雲吞有四粒，每粒都見有香菜，雲吞滴味好奇怪～於是落左一大堆辣椒油覆蓋滴味，但都係食唔落。滴阿姐收野問都唔問就收。

在太子工作十年，都周不時到此用膳。今天如常跟同事到此午餐，如常叫餐，也如常叫了杯凍檸茶，少甜少冰。出餐快，但當個男職員將凍檸茶送到，一看我就說：「少冰喎！」他居然望著我：「少左冰啦」。我望住杯凍檸茶愕然，再望望同事也愕然的表情。我再說「咁叫少冰？」他依然堅持話係少冰！其實成件事好少事，我相信大家看了我拍的照片，都不會認為是已少冰了吧？當時客唔多，換一換有幾難？當我要求2次不果，這情況下我怕就算換水吧會加料，於是我放棄了堅持。飲完杯小冰凍檸茶，居然仲可以「筆」出11羹既冰出來。服務太差了，所以不得不出貼。也跟同事相討，不再光顧此店。

好耐冇寫過一些輕鬆的文字，但當我吃完這餐飯後第一個感覺就是想好題材，然後回家揮筆把感覺寫出來。 我知這個題材同這餐廳定位不是太適合，畢竟，這是一間有教會關係的餐廳(佢係餐廳入面有宣傳叫人加入教會崇拜去超越貧窮，進入豐盛），我睇完都好有興趣，到底乜嘢境界可以超越貧窮，又進入豐盛，即係返完教會冇錢都變有錢，咁真係好超越，佢令我想起英x，你而家冇，你將來會有，那一刻我以為自己係張家輝，呢件事係幾咁勵志。 做餐廳可以咁厲志，我開頭以為係社企，最重要原因，你感受到家的溫暖，如果你屋企好似我，十九幾年都無住家飯住，宅男，冇女友，食頹飯，你會覺得這裡很窩心，因有飯，有魚有菜冇味精，你感受前所未有的溫暖，家的感覺。 你睇下個介紹，有冇覺得似曾相識，如果你曾經係血氣方剛嘅男人，如果你見過那些風月版的色情行業廣告，其實都係用上差不多手法，像外吃到蒸魚和米飯的親切，會暖在心頭，正如通常那些廣告都聲稱自己像女友般溫柔，像老婆般親切（其實我唔明，冇女友的朋友尋花問柳正常要女友感覺，但為什麼在外尋歡要找像女友和老婆的感覺，這絕對是個哲學問題) 不過當然，這裡用上這個哲學角度處理問題好聰明，因為出外食飯的人如我

朋友的小女的滿月酒在太子聯合附近舉行，七點半開始，七點未到已經到達太子。半個小時可以做些什麼，我不知道，只知道口淡淡想食少少野，但今晚又有飯有，女友說應該飲個湯，我立刻想起這附近有間飲湯出名到開行嘅餐廳。 這裡賣的是沒有味精的靚湯，有普通的煲湯和燩湯，而且還有各種不同的飯餐選擇。 我們選了碗紅蘿蔔煲豬𦟌，試試個味，結果當然是不得了，料足又多，緊係一滴味精都冇。 飲完呢碗，我好想即刻飲一碗燩湯，不過，始終有飯之後食，結果冇飲到。 我也知道這裡的下午茶餐好有名，雞脾加紅豆冰，自己好想試，過左六點就冇，只有飲杯紅豆冰。 原來紅豆冰都幾特別，唔算甜，紅豆勁多，但剩叫價錢貴，如果加雞脾一個餐來叫，平好多。 桌面上兩位男士叫的是晚餐，一碟蒸魚靚到不得了，眼突突已知新鮮，另外的蒜蓉粉絲蒸扇貝，三隻五十五元，粉絲多又香，看都知好食。 如果不用吃那個滿月酒，我一定會叫個餐來吃。 不過，太吸引了，我一定會再回來的。阿媽靚湯太子太子道西100號地下B舖

早排一個下晝嚟咗阿媽靚湯食嘢, 不過天氣咁熱就冇飲靚湯,  叫咗原味紅豆沙冰+豉油皇雞脾下午茶餐, 廿蚊真係好抵食! 一送上來已經聞到好香, 因為隻雞脾是熱辣辣的, 雞脾幾大隻, 真係好入味但又唔會過鹹. 入面肉質都幾滑, 唔會鞋~ 而紅豆冰雖然稍為有點淡, 再濃啲會仲好飲, 不過都算還可以, 同埋都有好多紅豆! 我留意到佢仲有好多款其他味嘅紅豆冰....下次都有興趣會試埋!! 同埋如果唔夠食的話, 仲可以加$9要半份西多士, 我見到其他食客叫左 賣相都唔錯!!

$20已經有紅豆冰+豉油王雞髀，再加$9仲有迷你西多士，仲想點！喺熱到唔知食乜好之際，比我見到$20有豉油王雞髀紅豆冰！即入去！仲要唔洗等！紅豆冰，紅豆唔夠林，有啲椰奶味，超多冰，我要畢走大半冰先食到紅豆！豉油王雞髀，比我想像中大隻雪藏貨，對佢都冇咩期望！唔係迷你雞脾已是驚喜！肉質比較實同乾，冇雞味係好正常，冇雪藏味已很好！雞脾連汁上食嘅時候要小心啲，唔係好易成身都係只係唔太夠熱！再熱啲仲好！迷你西多，又係比我想像中大份！我預期嘅係一塊麵包對角切成三角形，分四份！嚟到見到係半份麵包嘅西多對我呢個早餐午餐下午茶一次過食，份量啱晒西多夠晒熱，只係入面唔太夠花生醬！不過對我呢啲過敏人，少啲花生醬確係好事糖漿喺雪櫃拎出嚟，超讚總括$29食到飽，仲有咩要求！

宜家想食個下午茶 閒閒地都要成30幾蚊 港🐷今日就介紹間又平又抵又平民嘅餐廳俾大家 包大家食到飽一飽😆----------豉油皇雞脾餐 ( $20 )大大隻豉油皇雞脾 肉嫩滑 入味!跟餐仲有紅豆冰 +$2可以轉轉cappuccino/奶茶紅豆冰/朱古力紅豆冰等等😌 冰都比較細粒 紅豆細粒得黎又唔硬 好易咬 不過味道淡左啲啲 😂+$9配埋#迷你西多 話就話迷你但都有半份嫁😁另一下午茶之選仲有$25嘅細碗雞飯😆全部都係雞有沙薑雞、麻醬雞、切雞俾大家揀😯不過就冇野飲😂下午茶時段: 2:30pm-6pm