雲家小鍋米線 (328廣場)

Open Now

Now Closed

男人好重鍾意食米線, 在荃灣都食過好幾間, 之前經過發現"雲家"好似都唔錯, 今晚就食米線啦~ 我地叫咗一碗辣一碗唔辣既米線, 另加兩碟小食同飲品。🔸豬腸豬皮腩肉中辣米線🔸喜歡辣既男人都話個辣好有感覺, 平時食開大辣已經保守只叫中辣, 辣得過癮咁話。 腩肉炆得好淋, 豬皮爽滑, 豬腸亦好入味。🔸魚肉春卷蘿蔔魚腐米線🔸有齊芽菜, 韮菜, 酸菜, 蔥, 芫茜, 都幾足料。 蘿蔔都幾清甜, 魚肉春卷同魚腐味道都ok, 每樣都有4-5件加埋都幾多。🔸涼拌墨魚咀🔸蒜頭同辣油加上獨特調味, 超好味, 一件接一件, 好惹味, 墨魚咀好彈牙, 小食我會大推👍🔸蒜泥白肉🔸滿滿既蒜泥同蔥舖喺五花腩肉片上, 有別於一般好多紅油, 反而我鍾意無咁油, 加蒜泥既微辣都好味。