Satoi Japanese Restaurant

曾幾何時，好多人為左搵食會專程入大坑，雖然而家熱情冷卻，但大坑依然有好多有質素嘅餐廳。睿日本料理就係其中一間，佢唔單止有水準，而且性價比仲幾高，佢有個迷你廚師發辦套餐，人均都係三百幾蚊，已經有刺身有手卷有燒物有天婦羅有甜品，不過店面就比較細，成間店都係得十幾個位，三兩知己飯聚就啱。

睿同好多日本餐館一樣，有分壽司吧枱同普通餐枱，因為店面較細，所以枱同枱之間就比較近，不過每張凳下面都有儲物籃俾客人放袋，睇得出店家都盡量喺有限空間內滿足顧客需要。

1

正如我先前所講，哩度嘅迷你廚師發辦套餐幾抵食，所以十個人客有九個都會點哩個套餐，二人$680，三人$980，四人$1,280，越多人越抵食。

前菜三味

由左至右分別係海蜇、冷豆腐同油甘魚沙律。海蜇浸喺醋汁入面，而冷豆腐上面就加左胡麻醬，兩樣都好開胃。

前菜三味

前菜三味

油甘魚雖然切到細細粒，但每一粒都帶有光澤同口感油潤，感覺幾新鮮。

1

前菜三味

刺身三點

刺身有油甘魚、立魚同帶子，刺身都幾厚切。

刺身三點

香蔥吞拿魚腩手卷

手卷入面都幾多吞拿魚蓉，唔單止面頭有，連裡面都有，幾乎食到尾每一啖都會食倒，而且吞拿魚蓉口感好軟滑，幾好食。

香蔥吞拿魚腩手卷

燒羊架

羊架燒到啱啱好，唔會過生，但肉質又唔會過老過韌，調味亦適中。

燒羊架

燒羊架

天婦羅

天婦羅有軟殼蟹、矮瓜、南瓜同紫蘇葉，炸漿夠薄夠脆，亦唔會太油。

天婦羅

天婦羅

木魚花蜆湯

蜆湯入面有三大隻蜆，蜆肉唔會太細隻仲有體頭，湯好鮮甜。

木魚花蜆湯

淮山蓉冷蕎麥麵

冷蕎麥麵好爽口，淮山蓉有啲黏口，口感似食緊芝士，另外加左櫻花蝦除左令賣相靚啲，仲多左卜卜脆口感。

淮山蓉冷蕎麥麵

淮山蓉冷蕎麥麵

芝麻雪糕

芝麻雪糕幾香芝麻味。

芝麻雪糕

總結，雖然話係迷你廚師發辦套餐，但其實一啲都唔迷你，人均四百蚊唔洗可以食倒一個咁豐富嘅晚餐，性價比幾高。