Porterhouse - Seafood & Steak (Moved) New Location

終於終於踏入咗食蟹嘅季節，今次踏入第二回，從自助餐當中品嚐蟹肉鮮味！porterhouse 推出全新蟹味主題自助早午餐：包括麵包蟹、鱈場蟹腳、生蠔、愛爾蘭蟹等等，確實係一場豐富又帶海洋風味嘅盛宴～蟹皇料理包括：✨香脆軟殼蟹迷你漢堡✨創意蟹肉脆球✨香炒鮮蟹長壽麵✨香辣蟹肉炒蛋✨焗芝士蟹鍋除咗多款蟹肉美食之外，自助區一定不能夠錯過佢嘅海鮮🦞真係好多款式！生蠔Size唔算好大，但係勝在蠔味突出；蟹腳非常之鮮甜；麵包蟹爆曬蟹膏，肉質甜美；翡翠螺巨大粒又食出鮮甜～而甜品亦都比想像中嘅多，無論係布甸類、蛋糕類、撻點仲有糖水都一應俱全；熱食區亦都有中式蒸魚、燒雞、蟹黃伊麵、燉排骨、蘑菇湯，更或乎有即煮意大麵攤位自由搭配，保證你捧住個肚離開！！(・ω・)ノ重點重點，食肉獸一定要去拜訪吓佢嘅肉類專區，當日有牛扒、羊架、脆皮豬腩肉，只能夠說餐廳烹調嘅時間拿捏得非常之好，到而家仲好懷念豬腩肉嗰個脆皮，香脆而不油膩嘅感覺～自助餐有咁多款美食，當然少不了有無限酒水暢飲～講緊除咗紅白酒之外，威士忌、有汽酒都飲得，超級適合一班人嚟飲返一杯！