仙后餐廳 (Closed)

仙后餐廳位於合和中心，藍屋附近。門口已經相當具有法國氣息。一入座侍應就問想飲distilled water 定sparking ，揀左sparling （要加錢），好快送上一枝perrier同埋一籃包。面包新鮮出爐，口感軟熟，配上忌廉磨菇湯。湯比較傑身，同一般西餐廳白湯差唔多，分量都大，配包一流。主菜要左澳洲和牛面頰，5成熟，不過食落有少少un，肉味ok。旁邊的薯蓉就食出心思，入口相當滑。可能湯同薯蓉牛油較多，所以食完都少少膩。呢度的Earl- Grey Tea 係我飲過全香港最好飲，茶味勁long lasting，總算平衡之前的油膩。甜品有榛子拿破崙。拿破崙的酥皮較硬，切落都論盡，入面的吉士都好多，適合喜歡食甜的朋友。順帶一提，呢度的侍應同非常願意同客人交流，仲提我下次牛市book 可以request 坐舞台一邊雖然無表演，但可以係水晶燈之下用餐。場內播住法文歌，加上呢個裝潢的確有一種置身法國的感覺。雖然食物水準平凡，但以呢個中價位黎講食裝修環境一定不失望。