PHI Coffee & Pancake (卡佛大廈)

最近跟朋友試下玩Yoga，上完堂就去左附近哩間cafe食埋lunch先走。Phi因為野為野食唔錯，加上成間鋪用左好多仿真植物做裝飾，所以除左平日lunch hour多附近嘅打工仔幫趁，weekend都好多喺附近做完運動嘅人黎食。

店面都幾大，座位都好闊落唔會太迫，冷氣仲好勁，出面慶合合入到黎，坐耐仲都要搵返件披。

佢地主打意粉、三文治、梳乎厘等輕食，另外仲有好多特式咖啡同茶，聽朋友講佢地個Menu每個月都會轉下，所以就算成日黎食都唔會悶。

Tiramisu Coffee($52) - 咖啡上面有厚厚嘅鮮奶，面頭再放左好多朱古力粉，就咁飲同平時咖啡差唔多，但飲多兩啖再攪勻佢飲，就會飲倒鮮奶嘅creamy同朱古力粉嘅生味，就好似食緊Tiramisu一樣。

紫薯鮮奶咖啡($48) - 咖啡上面有紫色拉花，好啱打卡，聞落好香紫薯味，但入口紫薯味其實唔會太重，鮮奶咖啡奶泡綿密，咖啡香而不苦。

Tiramisu Coffee & 紫薯鮮奶咖啡

海鮮煙肉意粉($92) - 意粉上面放滿青口、蜆、煙肉同番茄粒，意粉比較水潤，口感微彈，意粉量都唔少，不過因為冇忌廉，所以味道比較輕盈。

海鮮煙肉意粉

$92

海鮮煙肉意粉

$92

海鮮煙肉意粉

$92

芝士牛肉三文治配煎蛋($82) - 三文治烘到脆脆地，中間夾左半融芝士同牛肉，再加埋太陽蛋，鹹鹹香香好惹味，旁邊仲有沙律菜。

芝士牛肉三文治配煎蛋

$82

芝士牛肉三文治配煎蛋

$82

芝士牛肉三文治配煎蛋

$82

宇治抹茶紅豆梳乎厘($112) - 梳乎厘有三大塊，旁邊佐以抹茶啫哩同紅豆，本身仲有三粒小丸子，可惜當日冇貨。

宇治抹茶紅豆梳乎厘

$112

宇治抹茶紅豆梳乎厘

$112

梳乎厘好鬆軟，抹茶啫哩抹茶味回甘，同香甜紅豆永遠都係絕配。

宇治抹茶紅豆梳乎厘

$112

總結，野食唔錯，價錢亦正路，大部野食野飲都係幾十蚊有交易，絕對唔係呃錢cafe，坐得都舒服，好啱同朋友慢慢食慢慢傾。