Video
Read full review
2011-03-22
22 views
尋找入選熱店之行，當然不少得我工作嘅上環區！話哂我會考後做暑期工同埋而家都喺上環區工作，早幾年跟朋友打羽毛球又係上環，我與上環區總算有緣！當時做暑期工，兩位同事姐姐日日帶我到上環街市樓上嘅同一個熟食檔食飯，其實都幾悶！食到我都厭呀！加上當時熟食檔呢層仲未有冷氣；夏天食到汗流浹背！ 時隔多年，直至最近，無意中俾我搵到<瑞記咖啡> 入選上環區熱店，一看地址原來正是上環市政大廈 2 樓。一走上市政大廈 2 樓，先見到<景記>，行到最右手面就係<瑞記咖啡>，呢度鄰近電梯口，食完走夠哂就腳！ 而家熟食檔呢層已經有冷氣，感覺舒服得多！ 環境會比較以前乾爽兼乾淨咗！呢檔嘅櫈有木造亦有膠造，枱有梗枱又有摺枱；起初，我坐果張木櫈幾舒服，但係張摺枱係斜嘅。轉坐另一張梗枱連膠櫈，反而坐入去會撞到枱邊，坐得不太舒服！ 都係算啦！期間，伙計跟熟客傾計，夾雜咗粗口，我真係唔想聽到！負責廚房係一位伯伯，煮食老經驗，之所以咁有水準！ 原先我唔知食物價錢，轉枱之後，見到有個紅色餐牌，價錢係寫上古老數字，看起來有點困難！ 有些不太明白， 到時俾 $50 伙計找。除咗馳名蛋牛
當時做暑期工，兩位同事姐姐日日帶我到上環街市樓上嘅同一個熟食檔食飯，其實都幾悶！食到我都厭呀！加上當時熟食檔呢層仲未有冷氣；夏天食到汗流浹背！ 時隔多年，直至最近，無意中俾我搵到<瑞記咖啡> 入選上環區熱店，一看地址原來正是上環市政大廈 2 樓。
一走上市政大廈 2 樓，先見到<景記>，行到最右手面就係<瑞記咖啡>，呢度鄰近電梯口，食完走夠哂就腳！ 而家熟食檔呢層已經有冷氣，感覺舒服得多！ 環境會比較以前乾爽兼乾淨咗！
呢檔嘅櫈有木造亦有膠造，枱有梗枱又有摺枱；起初，我坐果張木櫈幾舒服，但係張摺枱係斜嘅。轉坐另一張梗枱連膠櫈，反而坐入去會撞到枱邊，坐得不太舒服！ 都係算啦！
期間，伙計跟熟客傾計，夾雜咗粗口，我真係唔想聽到！
負責廚房係一位伯伯，煮食老經驗，之所以咁有水準！
原先我唔知食物價錢，轉枱之後，見到有個紅色餐牌，價錢係寫上古老數字，看起來有點困難！ 有些不太明白， 到時俾 $50 伙計找。
除咗馳名蛋牛包之外，仲有各式多士、粉麵....價錢大眾化！ 另有黃金角作點綴，可惜種得不太好，葉子燶了。
我睇過好幾篇食評，食客們必食蛋牛包，令我好奇走嚟一試！蛋牛包 ( 少牛) $9
由於我對牛肉會皮膚敏感，要求少牛肉。$9 已經有交易！估唔到咁抵食！等咗大約 5 分鐘上枱。
以一個有芝麻嘅大熱狗飽夾住咸牛肉及炒蛋，切開兩份方便進食！ 芝麻熱狗飽明顯有烘過，鬆軟不在話下，仍有微暖手感，加上芝麻可以增加一點咬感，搽上牛油，食落更香。餡料方面，只有一隻蛋份量及少量咸牛肉。 炒蛋尚有镬氣，淡而無味；屬罐頭貨色嘅咸牛肉略帶咸味，兩者味道相當匹配！
熱好立克 $10以透明玻璃杯盛住，揸上手不太好受！ 如果換上有杯柄肥肥矮矮嘅咖啡杯會更好。先飲一啖，已經加咗糖，味道清甜；真係好滑！值得一讚！ 儘管天氣有幾熱以及時間有幾趕，我依然堅持飲熱飲！因為可以飲出淡奶嘅真正濃度，唔會受冰而影響。凍飲嘅冰會破壞質感，變得水汪汪！慢慢品嚐箇中味道，奶落得夠多，水夠熱，夠帶出好立克特有香味！凍好立克未必感受得到！
埋單只係 $19 ! 好抵食！Post
