炊豕店 (加路連山道) (Closed)

之前問朋友銅鑼灣有咩又抵又好食既餐廳，朋友推薦左炊豕店，親今次係銅鑼灣附近番工，決定收工黎試下有冇講到咁好食。我地係晚餐時間7:30到達，出邊大約有15個人排緊隊，等左大約15分鐘就有得入，今次試咗期間限定嘅黃金鹹蛋燕麥豬扒飯、沖繩豬軟骨飯同炸芝麻雞翼。黃金鹹蛋燕麥豬扒飯（$65）見係期間限定就試一試佢，冇諗過黃金鹹蛋+燕麥+豬扒意外地好食。豬扒厚度適中，唔會好鞋，櫻桃小嘴嘅女士都放到入口 。份量唔細，一男一女叫左少飯都夠飽。沖繩豬軟骨飯（$56）豬軟骨飯既汁送飯一流，入邊既蘿蔔同蓮藕炆得好入味，蘿蔔好淋身而蓮藕好爽脆，帶出強烈嘅對比感。芝麻雞翼（$26）雞翼外脆內嫩，但怕熱嘅朋友食果時就要小心啦，因為啱啱炸好既關係會比較熱，有機會辣親咀仔。跟餐可以加5蚊有飲品，叫左熱柚子蜜同可樂，豬扒+可樂簡直係perfect match。