Video
Read full review
2006-08-04
2 views
差唔多幾年la...佐敦八文樓係我成長嘅地方，從出世至六七年前搬走，我响呢度大大話話生活咗二十幾年，之後都間唔中經過，但就無時間行入嚟。今晚約咗女友係佐敦，忽然心血來潮想返嚟故居睇吓，於是花咗十幾分鐘行入嚟...一路上望見以前留下嘅足跡--- 從前成日幫襯嘅茶餐廳、士多、理髮店....真係百般滋味在心頭，好懷念以往細細個响度生活嘅點滴..決定要係度食番餐懷舊一下，首先第一時間走入呢度食法式三文治。呢度我就真係由細食到大la，記得以前只係賣六七蚊一條，估唔到依家叫條細嘅都要成十六蚊，確係十年人事幾番新lor...味道依然係無得頂--- 法包用焗爐即烘，熱到"辣"手之餘，皮係脆啪啪嘅，食到D碎跌晒落地下，好enjoy；餡料依然有扎肉、腍肉、肉醬、酸紅蘿蔔等，D料多到跌晒落地，總之就乜都跌晒落地LA..HAHA ^_^就算佢唔好食我都會話好食LA (吃鄉愁MA..)，何况確實又真係"正"嘅LEI..^_^
佐敦八文樓係我成長嘅地方，從出世至六七年前搬走，我响呢度大大話話生活咗二十幾年，之後都間唔中經過，但就無時間行入嚟。今晚約咗女友係佐敦，忽然心血來潮想返嚟故居睇吓，於是花咗十幾分鐘行入嚟...
一路上望見以前留下嘅足跡--- 從前成日幫襯嘅茶餐廳、士多、理髮店....真係百般滋味在心頭，好懷念以往細細個响度生活嘅點滴..
決定要係度食番餐懷舊一下，首先第一時間走入呢度食法式三文治。呢度我就真係由細食到大la，記得以前只係賣六七蚊一條，估唔到依家叫條細嘅都要成十六蚊，確係十年人事幾番新lor...
味道依然係無得頂--- 法包用焗爐即烘，熱到"辣"手之餘，皮係脆啪啪嘅，食到D碎跌晒落地下，好enjoy；餡料依然有扎肉、腍肉、肉醬、酸紅蘿蔔等，D料多到跌晒落地，總之就乜都跌晒落地LA..HAHA ^_^
就算佢唔好食我都會話好食LA (吃鄉愁MA..)，何况確實又真係"正"嘅LEI..^_^
Post
