Video
5-min walk from Exit A, Austin MTR Station
continue reading
Telephone
23857939
Introduction
其他資料: 馳名"越南法式三文治".
continue reading
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
我們於19/7（五）約下午三點左右去到餐廳，內裡已經有2位客人，小店光猛，電視播放CCTV，伯伯整梗法包🥖。我們叫了小法包（$46），伯伯就立即放法包入焗爐，之後再放餡料，例如：青瓜絲🥒，紅蘿蔔絲🥕，扎肉，腩肉，咸豬手等等。法包好脆口，餡料就室溫，沒有什麼調味，清清地，不過不失。👌🏻雖然係小法包，都叫抵食夾大件。之後亦有街坊入嚟外賣大法包，伯伯又問屋企有冇焗爐等，只有在小店才能體驗到人情味。
continue reading
講到法包大家一定會推薦添記，實在係老字號🤣身為法包愛好者，我都抱有期望去食，店舖比我想像中更有傳統風味，見到伯伯好有心機制作法包😋大法包$90雖然係有d貴，不過真係比足料，而且食完唔會覺得唔值，入面有青瓜、蘿蔔絲、扎肉、肝醬、豬手、腩肉等等，d配料好豐富，一路食一路跌出嚟🤣蔬菜好新鮮、爽口，唔似放咗好耐；而扎肉都夠彈牙，有咬口；豬手、腩肉咸咸地，食落幾惹味！成個法包嘅配搭好好，一大條都食得落！
continue reading
史努比一向都鍾意食越式法包🤪呢間位於佐敦嘅添記頗有名氣Bookmark咗佢都有一段長嘅時間終於都去咗試🤣等史努比try try系咪真系咁好食!👍🏿大法包 $90以為覺得價錢頗貴 但見到實物非常大個 其實價錢合理嘅🤣法包焗到外脆內軟 帶啲煙韌口感🤪 香脆得嚟唔系硬掘掘嗰種 抵讚👍🏿入面塞住滿滿嘅餡料😍有紅蘿蔔絲 青瓜 扎肉 肝醬 豬手同腩肉片紅蘿蔔絲嘅調味帶少少酸 令個法包清新啲有助中和肥肉嘅油膩👍🏿扎肉嘅質感同味道上系正常嘅~ 但史努比個人就不嬲都麻麻地😂豬手應該就切咗肥嘅部位 淨低肉同collagen帶少少漿口嘅口感😛同埋食到鹹香味本身幾鍾意佢唔肥但加咗腩肉 即系打和😌加上史努比唔系特別好腩肉😂公道啲講 食到啖皮煙煙韌韌都唔錯嘅不過最後將啲腩肉肥膏比晒媽媽👩🏻🤣肝醬爭咁啲 鹹味就好夠但唔略嫌夠香每款配料都自帶鹹味(除咗青瓜)加埋一齊食嘅時候略鹹咗啲Overall佢肉嘅比例都唔少 史努比唔系咁鍾意佢樣樣都用肥肉🫣好彩蘿蔔絲同青瓜都好足😂算系攞返個平衡味道方面系ok嘅 但史努比覺得冇話特別好食同埋可能唔系咁啱口味~因為媽媽👩🏻系話好食架🤣所以拉個平均最終嘅分數系…味道: 7/10性價比: 7/10🔸蒜蓉包 $11細佬👦🏻話要嘅 但唔肯比史努比試🥲佢話好食嘅 但睇落偏細個$11少貴🤏🏿*不設加一服務費*舖頭地方唔大 畢竟系小店但都有兩三張凳同一張細枱所以買完即刻堂食都冇問題🤪呢間舖除咗法包仲可以就咁買肉(扎肉 鹹豬手 腩肉等)仲有啲醬料呀包裝麵等等但見大部分人都系買佢個法包味道其實唔差 但未去到人哋講到話好好食咁誇張🤔史努比覺得試一次無妨嘅 但encore就唔會啦~整體評分：味道: 7/10環境: 6.3/10服務: 6.1/10衛生: 6.3/10抵食: 7/10
continue reading
唉，啲人成日講要支持小店又話好有人情味。 但我一般嘅體驗係，呢啲摺埋嘅無論店舖或者食肆，都係冇招呼冇表情冇反應(有嘅就係身體語言叫你唔好煩我)。 當間店舖開始溶溶爛爛，衛生情況唔係咁光鮮時，招呼同人情味有時都可以救得返。 但如果你有得佢自生自滅，諗住成日做無回頭嘅遊客生意，可能唔係捱得好耐。。。講返食物，個包啲質地係好好嘅，外脆內軟。當然攞到返屋企已經凍曬。但係都唔係好明白點解唔畀個膠袋我( 前面買兩個自動有得畀膠袋，到我就唔畀，咁即係買得太少唔會有啦)。我其實係去之前都上網睇過，最初以為可以揀唔同嘅肉， 去到問佢嘅時候，佢就一輸嘴話唔知幾多種肉同埋啲菜都有( 其實聽唔到好清楚，但係唔敢再問)。 所以其實我而家食完都唔知有啲咩嘢用喺入面。。。
continue reading
Bookmark 左好耐既小店，終於扚起心肝嚟試吓。添記法包已經係佐敦幾十年，鋪頭入面貼滿大大小小嘅報道，可見信心保證。由於得老闆一人主理及即叫即整，所以預咗要等一陣。添記嘅越南法包，只賣一款口味，但有分大及小兩個Size。如果覺得太多，食唔晒，可以叫老闆一開二，就可以同朋友Share。💜小法包 $44 （⭐️⭐️⭐️⭐️⭐️/5）我叫了小法包，一開二，作為下午茶剛剛好。餡料方面，入面有4種肉：扎肉、豬手、腩肉，仲有法式嚼肉是用雞潤同豬肉碎製成，配菜有酸蘿蔔絲同青瓜。配菜中和左餡料嘅肥膩感覺，配搭天衣無縫。法包🥖方面，老闆係焗之前噴少少水，令到法包外皮酥脆，入面鬆軟帶少少煙靭，唔會過硬。整體食落口感豐富，可口美味。雖然價錢上並非稱得上便宜，但尚算合理，值得再度回訪，下次再試埋蒜蓉包。🍴整體評價：✅口感豐富✅支持用心小店✅適合下午茶或宵夜💰人均消費$44
continue reading