Video
Read full review
2017-11-20
2499 views
昨日陪媽媽去西營盤買臘味，行到三點到諗下有咩食，突然諗起蓮香居就係附近，二話不說就立即岀發！蓮香居二樓和三樓都係飲茶，不過三樓就早啲收因為要準備晚市，無緊要，落二樓囉。由於已經三點幾，就算係下午茶時間都唔使等位，不過要搭檯。 蓮香居保持住點心車，依家真係好少見。我地叫咗三個點心，鴨腿湯飯和燒肉瀨粉～1) 鴨腳扎 ～我本人覺得普通，不過媽媽覺得好味。($22)2) 豬手 ～個汁係鳳爪個汁，不過的確係豬手，唔似其他食肆用豬腳代替。($26)3) 鯪魚球～有驚喜，好味！ 其他酒樓嘅鯪魚球係幾『實』，應該加咗唔少麵粉。 蓮香居嘅鯪魚球相對細件，但食到係魚肉囉！($22)4) 鴨腿湯飯～個湯好清好好味，大大隻鴨腿份量好足！ ($50) 下次要試埋個方魚肉碎粥！5) 燒肉瀨粉～下午茶特價$28，份量足，抵食！ 如果想揀燒鵝另加$2舊式茶樓環境就一定唔會好乾淨，唔好期望太高。
蓮香居二樓和三樓都係飲茶，不過三樓就早啲收因為要準備晚市，無緊要，落二樓囉。
由於已經三點幾，就算係下午茶時間都唔使等位，不過要搭檯。
蓮香居保持住點心車，依家真係好少見。我地叫咗三個點心，鴨腿湯飯和燒肉瀨粉～
1) 鴨腳扎 ～我本人覺得普通，不過媽媽覺得好味。($22)
2) 豬手 ～個汁係鳳爪個汁，不過的確係豬手，唔似其他食肆用豬腳代替。($26)
3) 鯪魚球～有驚喜，好味！ 其他酒樓嘅鯪魚球係幾『實』，應該加咗唔少麵粉。 蓮香居嘅鯪魚球相對細件，但食到係魚肉囉！($22)
4) 鴨腿湯飯～個湯好清好好味，大大隻鴨腿份量好足！ ($50) 下次要試埋個方魚肉碎粥！
5) 燒肉瀨粉～下午茶特價$28，份量足，抵食！ 如果想揀燒鵝另加$2
舊式茶樓環境就一定唔會好乾淨，唔好期望太高。
Post