良記餐廳(老鳳冰室) (Closed)

如果唔睇住地圖，應該好難搵到呢間餐廳，佢係位於深水埗一啲後街嘅街尾， 剛好午餐時間，又不用等位。兩個人就坐了卡位，朋友話 呢度嘅炸雞髀好出名，又大隻。所以點都要叫嚟試下，仲有呢度嘅特飲，好似係叫做「飛女可力」「飛仔華田」唔知有冇記錯，都幾有特色，不過略嫌甜咗啲，叫咗個雞髀芝士焗飯，睇唔出芝士做得幾出色，汁多，飯係炒底， 另外雞髀又大隻又有肉汁，都幾好食，因為食咗知道芝士汁唔錯，所以又叫咗個芝士豬扒撈丁，豬扒都唔錯，夠大件又有肉汁唔乾身，價錢雖然比一般茶餐廳貴，但係質素的確係物有所值。