樓下冰室 (Closed)

荃灣搵食真係好容易～～星期六約埋朋友一齊去食下午茶，今次終於有機會去樓下冰室，喺門口見到佢哋嘅主打係蕃茄濃湯通粉，未食都覺得吸引呀～～可能剛好下午茶時間，大約等咗10分鐘左右先有枱。 冰室裝修係懷舊中帶點新潮，將推介嘅都造成膠牌掛喺牆上，再配上黃色嘅牆身，好有似曾相識嘅感覺！仲有幾排長卡位同長櫈，感覺好懷舊！但有一個缺點就係座位有少少迫😢 既然係推介飲品，咁就一定要試下～菠蘿冰，用上新鮮菠蘿，好有誠意👍🏻好好飲呀～紅豆冰，正常味道，好飲綠椰冰，綠豆煮得好林，椰汁好夠👍🏻 咖哩牛腩飯，牛腩夠林，咖哩好濃，唔係一般椰汁咖哩，味道似馬來咖哩用咖哩粉同香葉炒嘅👍🏻招牌瑞士雞比，顏色好深，未食以為好老，食落先知原來甜鹹味道剛好，雞肉好滑好入味，而且仲好大隻添！正👍🏻招牌滑蛋蕃茄濃湯通粉，蕃茄湯好濃好香，通粉又軟硬度剛好，加埋滑蛋超正呀👍🏻西式四寶飯，唔記得個名，但呢個組合真係無敵，加埋甜豉油，絕配呀👍🏻芝士焗肉醬薯角，個肉醬好夠味，同埋芝士焗完之後，炸薯角都好入味，超正👍🏻芝士焗西蘭花，西蘭花出奇好夠味，同芝士好夾，而且焗完都仲係好嫩，好味👍🏻