The Place

今晚同事兼老友替我同仔預祝生日，揀左康得思酒店(前朗豪酒店)，除左因為款式多左好,，質素比以前好左，而且今次用指定信用卡仲有7折，所以超級抵食。最欣賞係生蠔即開，而且有兩款品种(紐西蘭及愛爾蘭)， 海水味適中。香煎鵝肝，外脆內軟，入口即溶，超級邪惡。雪糕有出名好味movenpick , 有8种口味( 青檸檸檬雪葩， 藍莓芝士蛋糕， 瑞士朱古力， 楓糖合桃， 雲呢拿夢幻， 焦糖燉蛋， 芒果熱情果, Panna cotta)， 8款我都食晒。另外做緊日韓秋祭為主題，所以有好多我鍾意嘅美食。不過值得一讚係個甜品Tiramisu, 佢個造型似十足一碗拉麵，連筷子都係朱古力做，真係好amazing.  仲有個特別甜品 - 水信玄餅，近期都坊間大熱。由於定位嘅時候同職員講我哋有兩位十一月生日， 所以為我哋做咗兩個朱古力牌。 我哋要自己去甜品區攞自己想要嘅甜品， 裝飾好之後職員就會為我哋插上蠟燭。 今晚好多多謝好朋友嘅呢一餐， 實在超級豐富， 飽到連阿仔都話寧願行去搭巴士。