慢煮工業 (Closed)

今晚朋友帶我去了這間餐廳食飯，這裡好有工業風，位置唔難搵，上一層樓梯就見到餐牌招牌，一套鼓，十分搶眼，座下就望餐牌，內有不同選擇有散點或套餐，望到這個兩人套餐都幾抵食，就係咁選了尊享烤肉盛宴，已包括了煙三文魚配鮮果醋醬沙律 、安格斯西冷牛扒、美式蜜糖芥末豬仔骨、芝士通心粉及兩杯飲品，計落都幾抵食。最快上枱就係煙三文魚配鮮果醋醬沙律，煙三文魚卷成一朵花放在沙律中間，紅綠相撞十分搶眼之餘，加上有酸甜味的醬汁完全將煙三文魚嘅鮮鹹味中和返，連同爽脆嘅蔬菜入口，有種清新嘅感覺！接住就係芝士通心粉，整個芝士通心粉都充滿芝士外，上面還有一大羹嘅黑松露，香濃嘅芝士加上黑松露，本身兩種味道都十分配合，加埋超入味嘅通心粉，喜歡濃郁口味一定鍾意！主角就係慢煮安格斯西冷牛扒拼美式蜜糖芥末豬仔骨，各佔一半一齊上枱，慢煮安格斯西冷牛扒切開時見到剛好，不會過火，經過慢煮手法處理，牛扒軟熟之餘還保留到本身肉汁，入口因此十分軟熟；而美式蜜糖芥末豬仔骨，上面佔了蜜糖芥末入口時個陣攻鼻感覺十分刺激，豬肋骨亦醃得好入味，一入口就已經係骨肉分離，入口啖啖肉，超正！加埋杯跟餐飲品-士多啤梨特飲，夠晒冰涼透心滿足！