備長

Open Now

Now Closed

星期日同女朋友黎左銅鑼灣食呢間好出名既日本串燒。先來會有蔬菜做前菜，留意翻每位會收翻$14咖。然後就開始串燒部分，一黎就有我最愛既牛，揀左安格斯牛柳 ，七成熟既牛柳無血水仲有少少粉紅色，外面焦香，入面仲好juicy，牛肉味好濃！女朋友就揀左豬，要左份舞茸豬肉卷。薄薄嘅豬肉片捲着舞茸菇，舞茸菇獨特嘅香氣形成一種天然而特別嘅調味料，師傅只係加少少鹽燒已經好好夠味。有牛有豬點少得雞呢，要咗日本串燒經常見到嘅免治雞肉棒。免治雞肉入面加咗切碎嘅雞軟骨，卷成一個肥嘟嘟嘅棒，口感爽爽的。配合埋超級嫩滑嘅溫泉蛋，濃濃嘅蛋黃係一個好配合嘅醬。除咗串燒之外呢度都有好多唔同種類嘅食物選擇，我哋要咗呢個聽落都好吸引嘅海膽天婦羅。海膽用紫蘇葉包住再天婦羅炸，外脆內軟，海膽份量一d唔少，配埋淡淡地嘅天婦羅汁兩者平衡得好好，唔會搶咗海膽嘅鮮味。最後亦都要左份清酒煮大蜆 ，蜆既份量都幾多，每隻都開哂口而且都冇沙，夠新鮮。清酒味唔算濃，咁樣更可以食到蜆既清甜味。呢度食物質素真係可以媲美日本當地食到嘅感覺，店員亦都好有熱誠好健談。