幸福川226

Open Now

Now Closed

最近同朋友食飯，見到牛頭角商廈有間社企餐廳，覺得幾有意義就去試下。上到去感覺舒服，環境寬敞。職員細心介紹主打食物，餐廳加一會捐俾🇹🇭泰北天恩難童中心，幫助孤兒院小朋友。而且可以購買備用券，幫助長者或有需要人士送上無味精自家製湯飯🥰餐廳有多款食物選擇，有一人火鍋🍲、自家製無味精湯飯、泰式台式都有。朋友點泰式海南雞🐓配油飯，跟油菜，椰子清雞湯。海南雞夠嫩滑，油飯都很香，仲有甜品同水果很豐富。飲品冷泡無咖啡因花茶，係來自南非嘅茶，味道幾特別。我喜歡挪威煙三文魚牛油果醬牛角包🥐。牛角包很香脆，煙三文魚唔太咸，配上生菜蕃茄很清爽。另外仲有沙律水果、甜品焦糖燉蛋🍮 ，面層有脆口焦糖，裡面軟滑很好味。飲品牛奶咖啡，奶味較重，咖啡味唔太濃，少飲咖啡都可以試下。小食炸物拼盤，有日式吉列蠔🦪、蝦🍤、魷魚圈🦑、地瓜丸。每款都很脆口，我喜歡蠔有鮮味，地瓜丸裡面有芋泥餡，唔太甜很啱口味。