幸福川226

Open Now

Now Closed

朋友介紹發現係牛頭角有間性價比高的社企餐廳，所以就去探個究竟😂位於牛頭角商廈裡面的「幸福川226」係由一間推動長者事工、開啟「老有所為」樂齡生活的慈善團體香港天恩中心營運。呢間社企餐廳的加一服務費會全數撥捐泰北天恩孤兒院❤️一人前火鍋・日本A4和牛牛胸 $168包含雜錦丸類拼盤・米飯/米線・飲品午餐都來一個一人前火鍋🥘我地揀選左日本A4和牛牛胸及豬骨湯底🤩，牛肉份量十足🐮和牛牛胸脂肪量較低但分散，口感彈牙有嚼勁😋另外，雜錦丸類拼盤🍥包括有芝士腸、蝦丸及芝士丸，仲有無限添自助蔬菜櫃🥬，非常豐富‼️「醉雞黨」湯飯 $98包含飲品是店家自家製無味精湯飯，每日用上數小時來熬製鮮甜湯頭，藥膳湯底再加上當歸、圓肉、北芪、黨參、紅棗、杞子等藥材熬製，用料十足，不加味精，飲一啖雞湯，相當清甜，酒味稍淡，圓肉味尤其突出🥰。雞湯之中，再會加入雞件即叫即煮，醉雞湯浸著滑嫩的雞肉，酒香全滲入雞肉，相當入味，雞件口感嫩滑，誠意十足👍🏻泰式海南雞配油飯 $88包含飲品海南雞份量頗多，店家都給了雞脾🤩。雞肉肉質嫩滑多汁，皮薄爽滑，雞味濃郁👍🏻；附送的椰子清雞湯味道清甜，椰子味突出；油飯🍚以濃雞湯及香料烹煮，份外香濃但唔

有得食和玩（桌遊，飛標等），適合一大班人聚會。今晚只有我這一台客。講番食物質素海南雞餐雞正常，油飯（偏硬）可轉白飯，有幾條菜心，有碗超入味的椰子湯，三色醬（其中的泰式醬有點特別），有前菜（青瓜，桂花榚，密瓜），一杯熱飲（我加2蚊轉了凍飲）台南難忘鹵水物 肉躁飯肉躁（其實係肉碎）飯（有家的味道），鹵水物（金錢肚，牛筋，半隻蛋，豆腐，芽菜底，有前菜（青瓜，桂花榚，密瓜），沙律菜，一杯熱飲共消費$207（已包括加一）食理念，食環境，坐得舒服PS, 之後職員講晚巿，顧客通常食火鍋（講番職員一開始有詳細講有一人一鍋 或 火鍋放題，亞洲美食和歐洲美食選擇）

之前一直都冇留意到，原來牛頭角區有一間社企，社企入邊有餐廳，亦都有好多包場嘅設施，例如可以做宴會，生日會或者公司飯局聚會等等。。。而社企嘅食物都有好多種類，有火鍋同套餐，我同屋企人今日就嚟食佢哋比較出名嘅套餐。因⭐泰式滷水豬肘飯(跟椰子清雞湯,油菜,前菜,甜 品,水果,飲品) ☕紅棗圓肉茶(熱) $98⭐泰式海南雞油飯(跟椰子清雞湯,油菜,前菜,甜 品,水果,飲品) 🍵洋甘菊(Camomile)安眠(無咖啡因花茶)壺&爐 $117⭐️鹽酥炸雞炸嘅非常脆口，熱辣辣，小朋友食得最開心套餐份量非常之足料，而且環境氣氛又大又舒服。而且餐廳入邊仲設有小朋友玩樂設施，大人可以放心用餐，小朋友可以自己一齊玩。係一個親子聚會晚餐嘅好去處😃!

朋友介紹發現原來有一間好抵食嘅社企餐廳係牛頭角🌞上到去發現原來係一個工商業大廈入面仲係教會，佢哋推動長者事工關懷長者身心靈，價錢抵員工又好禮貌🌸聽佢哋講原來好多附近返工嘅人都會去嗰度食lunch或者聚會，而且佢哋餐廳嘅加一都係用嚟做善事捐俾泰北天恩難童中心做日常開支🌟可以食飯同時可以做善事真係值得支持✨💫濃厚牛魔王湯飯set入面勁多料，有牛筋、牛肚、肥牛、牛丸、牛柏葉仲有啲芽菜做配料。另外湯底係無味精8小時熬製，真係飲晒都唔覺得口渴，而且係好清嘅牛味唔會油膩。所有set都有油菜、前菜、甜品、水果同飲品，份量又大真係好抵。⭐️泰式滷水豬肘飯set除咗平時套餐會跟嘅食物之外，仲有椰子清雞湯清淡得來會飲到雞味。滷水口感偏甜但係同豬肘好夾。我加咗兩蚊要冷泡花茶非常解渴。

最近同朋友食飯，見到牛頭角商廈有間社企餐廳，覺得幾有意義就去試下。上到去感覺舒服，環境寬敞。職員細心介紹主打食物，餐廳加一會捐俾🇹🇭泰北天恩難童中心，幫助孤兒院小朋友。而且可以購買備用券，幫助長者或有需要人士送上無味精自家製湯飯🥰餐廳有多款食物選擇，有一人火鍋🍲、自家製無味精湯飯、泰式台式都有。朋友點泰式海南雞🐓配油飯，跟油菜，椰子清雞湯。海南雞夠嫩滑，油飯都很香，仲有甜品同水果很豐富。飲品冷泡無咖啡因花茶，係來自南非嘅茶，味道幾特別。我喜歡挪威煙三文魚牛油果醬牛角包🥐。牛角包很香脆，煙三文魚唔太咸，配上生菜蕃茄很清爽。另外仲有沙律水果、甜品焦糖燉蛋🍮 ，面層有脆口焦糖，裡面軟滑很好味。飲品牛奶咖啡，奶味較重，咖啡味唔太濃，少飲咖啡都可以試下。小食炸物拼盤，有日式吉列蠔🦪、蝦🍤、魷魚圈🦑、地瓜丸。每款都很脆口，我喜歡蠔有鮮味，地瓜丸裡面有芋泥餡，唔太甜很啱口味。

要去觀塘見客，諗住喺附近搵定位。商場又冇位，美心集團啲餐廳仲要90分鐘起身！一早都聽過大部份呢區餐廳都係啲工廈入邊，一般都好嘈，之前我試過同個客好似要鬧交咁，都傾唔到偈，想搵間四正見客嘅其實都幾難… 睇評語見呢間餐廳好多嘢揀，居然午餐有火鍋！好吸引，但係呢期好多人病都係清清哋好，餐廳職員話有自家製湯飯，無味精，咁我就嗌咗個湯飯，叫醉藥雞黨。一入口好驚豔！湯底清新帶輕甜，撈上嚟有圓肉同杞子，雞醃得好入味，係花雕酒味！細個阿嫲煮麵會落花雕，好有feel，一入口就認到！我個客鍾意食牛所以嗌咗個牛魔王，有牛肚牛筋牛柏葉仲有好多牛嘢，佢話好味好抵食！我哋每set仲有跟油菜甜品水果嘢飲，有油菜真心好開心，而家好少喺出邊食到菜！成set 咁多嘢，食到飽！呢度環境都唔錯，寬敞得嚟又乾淨，可能地方大，坐滿人都唔嘈，最正係同個客傾得好開心！呢度D客都幾斯文，仲有D靚仔恤衫客。職員話呢度夜晚仲有火鍋放題，搵機會會同男友再嚟。不過呢度有啲難搵，喺棟高級商廈嘅六樓，初初喺樓下㩒𨋢都有啲猶豫，好彩上咗嚟，真心值得試！

舊同事十年冇見，移民回來探親梗係要聚聚，朋友話香港呢幾年來變化好大，夜晚搵嘢食已經難，坐耐啲就更難，有朋友話知道有間冇限時嘅樓上火鍋，開到十點半，真係要試試。間店喺商廈裏面，都真係幾隱世，環境真心舒適，冇油益味，好少有店個樓頂咁高，而且好闊落，我哋vv嘩嘩都冇影響到人。我哋點咗個C餐和牛任食，揀咗個麻辣湯底，有幾款和牛，送海鮮拼盤，原來個拼盤都好豐富，今日有鮮鮑魚和大虎蝦，大元貝，仲有餐前炸物，吉列廣島蠔，炸天婦羅蝦，最正係跟黑松露醬，非常驚喜！麻辣到位，真係越食越辣，最尾係有啲頂唔順。好彩仲有冇任飲維他奶，仲係樽裝，好少見，加埋樽裝可樂，對我哋呢啲滿懷內心香港集體回憶嘅，都算是一份安慰。自助點肉，好方便唔尷尬，唔使好似有啲酒樓入紙追加等到手軟都冇人理，我見一盤盤上，仲有晒label講明係咩部位，唔會食咗乜都唔知，啲肉好厚身，好抵食喎，唔係出邊食嗰啲薄到見碟底。職員好友善，好誠懇，佢講開原來呢間係社企餐廳，咁大地方係為咗發展之後嘅安老事務，又係另一個意料之外，一向對社企餐廳印象麻麻，嘢食飲嘢通常都好麻麻，多數好似求求其其。社企有呢啲有服務水準嘅餐廳係極少有，咁嘅經濟環境咁大地方應該唔易

同事今日帶我去試新嘢，在牛頭角商業大廈入面的社企，一上到去，地方好大，環境好乾淨，坐得好舒服，午餐有湯飯、定食、火鍋，同事叫左一醉雞湯飯，比左少少我試吓，個湯底好多味，完全冇味精，雞都嫩滑，好味。😋我就叫左鯖魚定食，沙律菜好新鮮，鯖魚好juicy ，配合柚子汁，感覺好清新，值得推介。👍🏻👍🏻👍🏻餐廳所有職員都好有禮貌，主動話比我地知有熱水和凍檸檬水，又介紹餐牌的食物，服務好好。餐廳隔離有個好大的function room，有個小小的舞台&兩個大銀幕，可以book場攪活動都得。

與朋友食飯，選擇幸福川因為食飯同時又可以支持社企🥰。無諗過咁高級既商業中心，有層咁靚嘅餐廳。餐廳空間大，大圓枱可以坐齊8個人，仲有好多空間，傾計好舒適，選擇咗火鍋B餐。 坐低職員好快為我們遞上炸物小食，好夠熱好好吃，飲品多選擇，見到樽裝氣水特別開心，仲有熱維他奶🤩，海鮮好新鮮，肥牛靚到呢，每款肉都名牌，讓客人知道自己食緊咩，重有職員親切熱誠款待，定時上前為客人加火煱湯、清理枱面、幫你選埋合適背景音樂，分享餐廳理念（長者服務及泰國孤兒的需要），由食物環境處理到職員待客之道，作為食客好感受到被尊重❤️，重要價格好低食，3送1，質素又高，又唔限時，成班朋友真係好盡興，好開心！

第一次黎時好驚喜，因為佢外表完全唔似係會有一間餐廳係到。估唔到隨手係Google會搵到間咁好食既餐廳，早一日訂枱仲會有龍蝦食😍真係好開心，又唔算太貴，有唔同價位揀，又可以食放題。聽講佢地仲可以租場，下次會再黎，真係估唔到觀塘仲有間野食又好，服務又好既餐廳。最令我感動既原來依到係間社企，係一位牧師係香港既基點。感謝主帶領我黎到依個地方，聽聞佢地70歲長者加一個大人食放題C餐會免費。所以下次我會再帶爸爸媽媽黎食廢時成日比佢地話帶佢地食buffet哂錢！不過依到真係有啲隱蔽，第一次黎時仲以為自己行錯地方，因為佢係係一間寫字樓入面🤣

因為朋友推薦，所以第一次嘗試，果然一試難忘，1十分滿足的晚餐。首先值得讚揚的是餐廳職員十分友善的招待，服務也很友善級貼心。食物方面，質素亦很高。當晚選擇了和牛放題，還有海鮮盤及熟食附送。飲品也有很多選擇及最驚喜的是，竟然有支裝汽水可以選擇，在現今的餐廳實在買少見少。餐廳環境很清靜，沒有像一般放題的餐廳有時間的限制，令我和媽媽可以好好享受這一餐。他們除了經營餐飲業外，還會損助泰北的兒童。現今還有這樣有愛心及高質的社企餐廳，實在難得。定會大力推薦及繼續支持，加油努力💪🏻💪🏻

在觀塘商廈都可以吃火鍋放題？某日朋友約我吃一間位於鴻圖道俊匯中心的樓上火鍋店。到達大堂時，我還在疑惑是不是去錯了地點🤣.餐廳前身是用作社區教會場地，面積相當寬敞，坐位舒適。除了用作食肆外，還提供活動租場服務。我們一行兩人點了c餐-任食極上a4和牛火鍋放題，當日正價時段入場，每位$398，另收加一服務費。套餐除了提供無限時任食日本極上和牛外，還包了一份海鮮拼盤、一份炸物小食拼盤，還有一些火鍋配菜及前菜小果小吃。湯底方面亦有多種選擇，我們選了菜單推薦款：老壇酸菜魚鍋及養生無味精椰子雞鍋。想試試用新鮮椰青做湯底是不是會份外清甜？肉類單品以QR code 下單，對於上菜速度方面，表示很滿意，下完單後，很快便送過來了。店員服務態度也很和善有禮。.C餐包含了多款日式上級和牛，像是日本A4肉眼、後腿、牛胸，M5肩押肉等等，還有平日香港人很愛點的牛肩押prime ，喜歡它肉質柔軟甘甜，而且筋絡及油花比例適中，不會過份油膩或乾柴。隨餐附送的時令海鮮拼盤也很大方，一點也不馬虎！分別有蟶子、扇貝、帶子、鮮蝦等等。特別喜歡吃蟶子，色白味鮮，無沙。員工指每次送贈的海鮮組合都未必相同，所以圖片只能作參考分享喔～平

我們一班同事為榮休的同事Farewell, 找尋了觀塘區至牛頭角區可以坐得耐又可以一張枱過(我們合共有8個人)的火鍋餐廳, 終於找到這家位於俊匯中心6樓火鍋餐廳.上到該中心6樓大堂, 你馬上”感受”到這家餐廳是一間教會其中一部份, 跟著走便來到用膳的地方, 地方非常寬敞, 不像觀塘區那些牛XX或牛X般, 又迫又要計你時, 而這裡的火鍋用餐時間沒有限制, 可以和榮休同事放心談天說地.食物方面, 我們大家選了-上選特級牛肩胛火鍋套餐(B餐), 食材(肉類)十分靚, 而隨餐附送的炸物十分好食, 爐湯底未滾之前, 炸物已經被吃掉了8成…; 跟著附送的海鮮拼盤, 份量十份足, 材料包括有鮮鮑魚, 帶子, 鮮蝦, 鮮魚等…湯底有很多種選擇, 我們都選了由餐廳職員介紹了藥膳醉雞鍋, 另外我們都選了沙嗲湯底.前菜及水果方面, 前菜款式跟其他自助火鍋店差不多; 不過水果方面, 當晚所見只有一款-哈密瓜, 而且放在供客自取前菜的枱上, 希望店方考慮應否將水果放於保鮮涷櫃內…餐廳職員服務態度很好, 應該說比起其他連鎖火鍋店更好, 我們開始座下座位不久, 有個女店員(可能是經理)詳細介紹及推介火鍋套餐及湯底,

首先，一入門囗大約睇過成間餐廳的佈局，超大很適合一家大小，朋友聚會，同時也有適合三至四人聚會的檯。而整體餐廳格局，裝潢簡潔，環境非常整潔，選歌柔和放鬆。整體餐廳感覺不同於一般火鍋放題雜亂無章，而感覺舒服放鬆。其次，於餐廳食物而言，幸福川的食物質素我認為只可以平靚正三字來形容，第一，以大約四百元的價錢可以享受和牛放題，而每一份和牛的雪花分明，入囗即浴，非常抵食。第二，整體火鍋用料足，今日第一次來便選擇了沙嗲湯底嘗試，湯不只有濃郁的沙嗲底料，而且有 唔怕浸既脆口花生碎，令整體火鍋體驗更上一層樓。最後，不得不提的員工服務態度，由入座到點餐再到離席，每位侍應的服務態度都表現得極度有耐性，並且會細心地解答你的問題。 而呢一種服務態度， 放在現今社會任何一間餐廳極度難以達到， 例如我問一種套餐有咩分別， 他們都會很細心地解釋每一種套餐的分別， 而且會根據您的需求推薦套餐， 同時亦沒有以強硬的語氣叫你離座，以是以温和的語氣提你時候差不多。總體而言，整體用餐感受極好

經過牛頭角搵食，見到商廈門口有易拉架，話樓上有嘢食，大熱天時，目測附近得茶記，就試一試佢！估唔到lunch有火鍋，好多款湯底，侍應話一人煱可以慢慢等佢滾，如果趕時間就可以選用電磁爐，我哋各揀咗一人鍋，邊食邊傾偈，揀咗壽喜燒同埋酸菜魚鍋湯，牛板𨫡，質素都好OK，牛板𨫡比想像中大份，酸菜魚鍋都足料，堅食到飽飽。個地方好舒服，冇諗到lunch可以唔使迫，好乾淨，可能樓頂高，好少有火鍋嘅餐廳咁乾淨，無油益味。我哋一路傾偈冇催交枱，下次會再去試其他嘢，希望下次坐到窗邊位。