一喜車仔麵

Open Now

Now Closed

而家港式車仔麵真係買少見少, 今日難得食到一間價錢合理, 質素又唔錯嘅車仔麵, 一定要同大家推介呢間一喜車仔麵位於尖沙咀慶方地庫, 餐廳非常乾淨企理同一般嘅車仔麵檔好唔同, 除咗有一般香港人好熟悉嘅面底+餸+湯底嘅自由配搭外, 仲有preset嘅組合, 方便選擇困難症同埋海外嘅旅客嗌嘢食, 非常貼心<自選車仔麵>自選車仔麵係湯底、配料同面底嘅選擇上都非常多元化湯底方面, 大食妹特別推介一喜日日新鮮熬製嘅秘製黃金雞湯, 湯頭非常濃郁鮮甜配料方面, 大食妹最愛豬大腸、魚腐同秘製菜肉餃豬大腸清洗得非常乾淨, 口感爽身如果湯底嗌黃金雞湯, 記住配料一定要嗌魚腐, 雞湯湯完美朔晒入粒魚腐度秘製菜肉餃細細粒, 一口一粒食唔停口<生炸潮汕三寶>另外, 見到呢個生炸潮汕三寶都幾特別, 就嗌咗份試吓三寶分別係馬鮫豬肉丸、深海墨魚丸同埋魷魚丸口感Q彈煙韌, 值得一試<香辣單骨雞中翼>鍾意食煎炸嘢嘅朋友都可以試吓呢個單骨雞中翼, 香口惹味即叫即炸