蟹點

Open Now

Now Closed

呢間餐廳位於鴨脷洲，但其實喺海怡半島站🚇一出就見到🤩🤩 佢好耀眼嘅招牌。 餐廳提供新鮮海鮮、滷水野，仲有泰國🇹🇭菜，好多選擇，平日夜晚去食飯都坐滿哂，可見人氣旺盛。招牌白胡椒蟹話得招牌菜當然要試吓， 鐵板上熱辣辣🔥，啲煙蒸上嚟，好香白胡椒味。 蟹都好大隻呀，單是蟹蓋已經大高手掌✋🏻🤣 超多肉肉嘅蟹鉗🦀蟹身😋 白胡椒味好惹味又唔算太辣。豉椒炒花甲花甲大大隻又脹卜卜，食落好鮮甜，完全無沙，加上豉椒，味道香濃。薑蔥焗桶蠔又係熱辣辣🔥🔥鐵板上，一路食一路都仲熱🔥， 炸皮好薄，桶蠔勁大粒，爽口多汁，鮮味十足。 明爐烏頭（冬蔭功）又試吓泰國🇹🇭喎🤣🤣 成條魚上，冬蔭功湯底香辣惹味， 烏頭魚肉好滑又甜，仲有爽口酸菜，好醒胃， 我一個人食左半條🤣🤣 餐廳座位好多，坐得又舒服，可以輕輕鬆鬆一邊食一邊傾偈。