星橋居酒屋

Open Now

Now Closed

同男朋友慶祝生日🎂比佢話事食咩好，佢又話想食日本嘢，又唔想排隊排幾個鐘先食到壽司，所以就揀咗呢間新開嘅日本餐廳試吓。環境同食物嘅質素都大讚✨我哋中午嘅時間去食，算係比較繁忙嘅時間，但係見店員都好有耐性同埋好好態度。首先我哋叫左一個鰻重定食，燒鰻魚超大條，啖啖肉，好有日本風味呀！而且仲有沙律係旁邊，更加營養均衡呀😋然後我地仲叫左一個特上十貫壽司，超多款壽司唔洗諗食咩好！有齊晒我最鍾意食嘅壽司🍣全部都要勁新鮮！我最鍾意食吞拿魚腩入口油香四溢，滿口脂香，正！