星海薈 (利舞臺廣場)

Open Now

Now Closed

媽咪最鍾意食蟹，今日就帶埋佢專誠黎到譽宴食白胡椒蟹。餐廳環境有格調，店員全程服務周到，密密幫手斟茶，食物質素都相當唔錯。黑蒜雞湯聽講黑蒜營養價值高，又殺菌消炎增加抵抗力，於是就決定每人黎一碗黑蒜雞湯👅碗湯上枱時熱辣辣，雖然係雞湯但無油膩之感，味道好似老火湯咁，飲完覺得個胃暖笠笠。今次係我人生第一次食黑蒜，本身好擔心個味道會好重，但食落並沒有難聞既味道，只有淡淡既蒜香🧄士多啤梨大蝦球一向都好愛士多啤梨系列既菜式，以新鮮士多啤梨製成既醬汁，酸酸甜甜好開胃。而蝦球更加係100分，香口惹味，口感帶點微脆。粒粒蝦球都份量十足，食到我lam lam脷，味道相當有水準。招牌白胡椒蟹黑胡椒蟹就食得多，白胡椒蟹就真係未食過。上枱以鐵板盛載住原隻白胡椒蟹，聞落去香噴噴，好吸引。白胡椒蟹香口得黎，又唔會好似黑胡椒咁辣同重口味，食落唔會覺得膩。廚師幾細心，胡椒蟹已經分拆好唔同部位，蟹殼都經已處理好，我地好方便就食到啖啖蟹肉。蟹肉有香濃白胡椒味，肉質香滑，而且份量好多，好適合多人分享。