Video
Read full review
2020-06-22
2530 views
依家日日都返屋企煮，有時都想抖下，今個星期比自己放下假，同家姐兩個人出左去行街食飯，心血來潮想食泰國菜，所以行完街就去左九龍城食晚飯我地去親九龍城食泰菜都係去依間，因為食物多選擇又坐得舒服，唔洗怕同人迫住坐，一去到餐廳已經開始滿場，店員帶我地去另一間分店坐，肚餓到立即睇餐牌叫野食叫左四樣菜式同兩杯飲品，叫左先發覺好似叫多左，不過唔緊要，我地照食食剩打包拎走先黎個椰皇沙冰，椰味好濃又唔會好甜，味道剛剛好，大熱天時飲佢解哂暑飲左幾啖沙冰就到冬蔭公海鮮炒公仔面，平時都係叫炒飯炒金邊粉，今次我地試下新野，估唔到都幾惹味，公仔面炒得啱啱好，唔會過份軟身，食落仲好彈牙冬蔭公味夠哂香，辣得好過癮，好醒胃，重點係入面既海鮮配料都幾多，有帶子 魷魚 鮮蝦 菜心苗 食落好新鮮又入味，值得一試平時媽媽最拿手整豬肉碎生菜包，但太耐無食佢煮既泰菜，突然好想食所以叫左個豬肉碎香料味突出，咸道剛剛好，粒粒分明又炒得香，生菜包住食中和返個油膩感，唔錯啊我同家姐講好想食蝦餅，跟住見到有個泰式炸芝士蝦丸，見蝦丸入面有芝士好似幾正咁所以叫左個細份三粒，估唔到都幾大粒，切開一半，中間既芝士流心湧出黎，食落好香芝士味，奶味唔算
我地去親九龍城食泰菜都係去依間，因為食物多選擇又坐得舒服，唔洗怕同人迫住坐，一去到餐廳已經開始滿場，店員帶我地去另一間分店坐，肚餓到立即睇餐牌叫野食
叫左四樣菜式同兩杯飲品，叫左先發覺好似叫多左，不過唔緊要，我地照食食剩打包拎走先黎個椰皇沙冰，椰味好濃又唔會好甜，味道剛剛好，大熱天時飲佢解哂暑
飲左幾啖沙冰就到冬蔭公海鮮炒公仔面，平時都係叫炒飯炒金邊粉，今次我地試下新野，估唔到都幾惹味，公仔面炒得啱啱好，唔會過份軟身，食落仲好彈牙
冬蔭公味夠哂香，辣得好過癮，好醒胃，重點係入面既海鮮配料都幾多，有帶子 魷魚 鮮蝦 菜心苗 食落好新鮮又入味，值得一試
平時媽媽最拿手整豬肉碎生菜包，但太耐無食佢煮既泰菜，突然好想食所以叫左個
豬肉碎香料味突出，咸道剛剛好，粒粒分明又炒得香，生菜包住食中和返個油膩感，唔錯啊
我同家姐講好想食蝦餅，跟住見到有個泰式炸芝士蝦丸，見蝦丸入面有芝士好似幾正咁
所以叫左個細份三粒，估唔到都幾大粒，切開一半，中間既芝士流心湧出黎，食落好香芝士味，奶味唔算好強，食落唔會好滯，蝦丸外皮炸得夠脆，蝦肉夠彈牙，蝦味都夠哂濃，下次再黎食一定會再叫
最後係泰式鐵板蠔餅，除左潮式炸蠔餅係我至愛之外，泰式都係我深愛之一，滿滿既蛋香同芽菜蠔粒炒埋一齊，蠔肉食落都幾重蠔味，完全無沙，點少少魚露食帶酸都唔錯，食剩左少少打包返屋企做宵夜
Post
