炊豕店 (加路連山道) (Closed)

第一次食飯食到成肚氣，從來只看食評不post 的我都忍不住要寫。睇番之前dcomment原來我地不是第一批遇到d咁惡劣行為。星期六下午兩點幾，同frd睇完戲，話想試呢間，所以來食。我點去限定柚子豬扒撈麵，豬扒係ok，但未至於好特別好驚喜，麵冇味又硬。我地邊傾邊食，突然個中年女店員伸手想拎走我同我frd碗麵，我frd當時仲拎住筷子食緊，拎起碗時，用不純正廣東話態度語氣勁差話「你地食完架啦」，我地勁愕然，話「未呀，仲食緊」，都冇話佢呢d不禮貌行為，反而佢放低碗行開並大大聲講，「食成個鐘，出面有人等緊架，d人食兩個字就好走啦」，我即刻望下時間，只是食左半個鐘，然後我話都冇一個鐘，個阿姐冇理，繼續大大聲比說話我地聽，我地兩個女仔又唔想潑婦駡街同佢爭論，都冇胃口食，比錢走算。但講真d野食唔係好味到值得排隊，我覺得出面d吉列豬扒仲好味，仲要態度差成咁，趕客鬧人，想做多幾輪，第一次食到成肚氣，你想d客兩個字食完，唔該門口寫到明，唔兩個字食完你地唔歡迎。