Burger Joys (第一街)

Open Now

Now Closed

個位真係好格攝！我fd約我喺呢度食野，完全搵唔到！大家要睇住街號黎搵，佢要行條樓梯落去，喺後巷度，有個招牌。any肥，搵到就ok間舖仔都幾細，位唔多。隔離袋外賣有黑松露薯條，未有人拎嗰陣香到我坐隔離枱都聞到！即炸無得輸！可惜朋友唔like松露，無叫到。店主推介嘅芝士牛肉漢堡跟餐餐加$42有薯條同野飲，食漢堡薯條梗係要飲杯啤，唔洗諗！一上枱勁靚！個包裝好有心思，有個防水防油紙袋裝住，下面再有半個紙盒，等你唔洗食到成手汁同油，大加分！每次食burger除非用刀叉，否則食完一定要去廁所洗手！個包好鬆軟，牛肉漢堡隻醬好食，又唔會好水，整到個包濕晒。塊菜唔知咩菜，不過好易咬，唔會咬一啖成塊拉咗出黎，可以做到啖啖都有菜。睇落好似細細個，但係食完勁飽！薯條好大兜，不過有d幼，比m記再幼d但9成都脆！即炸，熱氣死！杯生啤勁香！好香花味，飲完成口都好花香味！食完熱氣薯條飲返杯鬼佬涼茶，好合理！雞肉漢堡夾咗煎雞扒，隻醬好夾，但比較水，食得慢d都會整濕個包。雞burger嘅配料多d，有埋紫洋蔥同蕃茄，生洋蔥但完全唔辣，勁正勁正！同牛burger同一款菜，仲有少少火箭菜。塊雞肉好嫩滑，熟得啱啱好。