凡高廚房

Open Now

Now Closed

一上到黎已經俾餐廳既梵高藝術氣氛吸引住，四圍都充滿油畫同佈置，睇得出老闆既用心同對梵高既喜愛。餐廳仲有桌球枱、千秋櫈俾客人玩下，打下卡咁。同朋友分別叫左行政同健康午餐，兩個餐都有餐湯，麵包，甜品同餐飲。而行政午餐就額外有沙律。行政午餐頭盤係煙肉沙律，沙律菜好新鮮，食落清新開胃。餐湯 - 98%野菌忌廉湯野菌係由8種蘑菇，手磨再加入忌廉煮成。味道濃郁，仲會飲倒啖啖嘅蘑菇， 相當足料。主菜 - 招牌炭燒澳洲新鮮羊架 配 羊肉濃汁 （$198）羊係澳洲頂級穀飼羊肉，炭燒味燒得好香，我揀左7成熟，羊肉一啲都唔蘇，肉質粉嫩，腍得黎仲好Juicy！健康午餐餐湯 - 羅宋湯有唔少蔬菜：蕃茄、洋蔥、芹菜、紅蘿蔔等，味道酸酸甜甜，係開胃之選。主菜 - 烤加州鱸魚柳血橙蜂蜜汁伴意式雜菜  ($168)健康又低卡路里，味道比較清淡。鱸魚外皮好香脆，魚肉彈牙，配上血橙蜂蜜汁， 食落鲜味香甜。兩款甜品分別係 crème brûlée 同 strawberry moose。甜品口感軟滑，甜而不膩，細細份岩岩好黎作為結尾😋整體黎講，餐廳有情調之餘，食物嘅水準都唔錯，員工亦非常熱情有禮貌，值得推介。