至尊滿屋日本料理 (Closed)

食放題最開心嘅就係款式夠多，樣樣野都可以試吓。 嚟到旺角瓊華中心食放題，淨係刺身已經有12款選擇，隨便叫啲，都算係厚切，不過擺盤就未夠精緻。鹽燒牛舌好彈牙，調味做得好好！燒菠蘿每次放題必食，開開胃！泰式天使蝦比較少見，微辣夠惹味。吉品鮑汁燴花膠估唔到有咁多花膠，養顏，要食多啲！鹽燒雞翼皮脆肉嫩。北海道焗廣島蠔啲蠔太細，幸好個醬汁好味道。鹽燒海蝦算係大隻，但唔係鮮甜。炸蝦天婦羅即炸熱辣辣，好食。蜜桃炒蝦球超大份，蜜桃加蝦仁有十幾件，好飽鐵板雪花牛柳粒比預期出色，香口惹味，牛肉油脂豐富。最後一人一杯貴價雪糕。每人$218算係幾抵食，啱晒成日都諗唔到想食乜嘅朋友。