桂花小幸 (將軍澳廣場)

Open Now

Now Closed

唔想煮飯就亂入左一間店鋪食晚餐，喜出望外！餐牌選擇多，好多都想試！用心揀都有唔少相對健康既選擇。最麻煩係要出去叫餐同俾錢。老公要牛腩麵，我就試個定食。價錢以商場餐廳黎講都算經濟合理！牛腩麵就無太大驚喜，正常既。湯好清，牛腩都腍，份量適中啦。大愛係我個雞肉定食。雞肉飯好多時係煎雞扒，甚至炸雞扒。呢度反面係蒸既雞絲，有新意之餘都健康好多。餐有菜同三個涼伴既菜，好適合我呢啲菜怪，有唔同顏色既營養。仲有湯添，不過我本身唔飲街既湯，所以no comment。