Greyhound Café (Cityplaza)

Open Now

Now Closed

差！ 差！ 差！食物差！ 服務差！叫了兩個餐，雜菌炒金邊粉同啖啖蟹肉奄列。落咗十幾分鐘咩都無上，反而隔離枱遲落單，一落就上餐湯。問職員是否漏單，竟然話處理中。等隔離枱上埋主菜我地餐湯先上。雜菌炒金邊粉，得幾片磨菇都夠膽叫雜菌，其他料得豆乾、芽菜、蔥片等，料少得可憐。最離普的係，金邊粉好硬身，口感似生米，應該係乾的金邊粉未用熱水煮透就攞去炒。夾硬食咗幾啖就放棄了。啖啖蟹肉俺列徧油膩，蟹肉也不是啖啖，十分普通，基本上得蛋味，茶記的仲好食過佢。埋單叫職員，示意會來，等了幾分鐘都末來，再叫另一個先埋到單。總括呢講，你要的需求，都必須叫人兩次，好悲哀😞。漏單又唔認錯。份量少，味道麻麻，服務對唔起價錢。兩人連加一要三百蚊。附近小店食泰式炒粉，平一半都好過呢間多多聲，仲免加一，包凍飲。