餐廳內都有不少坐位，佈置有點像酒吧呢。
近來越來越興素肉，估唔到呢度都有得食。
不過我係食肉獸，當然牛肉係首選！鮮蘑菇牛肉漢堡有厚厚的牛肉漢堡，咬落是好實淨的，不會好多脂肪，好有牛味。鮮蘑菇份量適中，配上蕃茄同生菜好好食呀！如果加埋芝士應該會仲正。
軟殼蟹漢堡比牛肉更巨型，原來係原隻上，啖啖蟹肉。蟹內仲有蟹羔架，熱辣辣脆卜卜，真係要飲凍既氣水先可以清熱。
另外點了單骨雞翼配蜜糖芥末醬。芥末味較重，個人較喜歡多點蜜糖味。雞翼炸得好脆，不會太辣，幾好食。
這裡的飲品款色多，有罐裝、樽裝同自家製，連咖啡都有。不過食漢堡包當然要飲凍氣水，這個石榴氣水味道很不錯哦！
下次要試薯條同魚柳漢堡！
