Burgeroom (Fashion Walk)

Open Now

Now Closed

同朋友成日都好想試吓兩個人share一個好大嘅漢堡包，而呢一個餐廳就可以令到我哋夢想成真啦！呢一間餐廳佢漢堡嘅種類選擇都好多，而且都有其他唔同嘅小食！而且竟然俾我哋搵到我哋一直好鍾意飲嘅血橙飲品！我哋都嗌左蜜糖雞翼，啲雞翼偏細隻，但係都有成六七隻咁多！而且啲雞肉都好入味！嚟到我哋嘅重頭戲！呢個芥末烤蘑菇牛肉漢堡包，再加埋一塊大大嘅雞扒！呢個漢堡包真係超級巨型，我兩隻手先攞得起！佢牛肉扒一啲都唔馬虎，食落口啲牛肉汁完全係流晒出嚟！而且啲肉比較實食落去，個口感同出面食嘅嗰啲漢堡包差好遠！個雞扒都煎得啱啱好唔會過熟，但個人覺得個芥末醬味道重左啲，所以可能會搶咗成個漢堡包嘅味道。