大和堂咖啡店

Open Now

Now Closed

一去到大和堂咖啡館就覺得好有 feel，濃郁嘅咖啡香充滿住成間咖啡館！呢度嘅空間都算非常寬敞，有古色古香嘅感覺，點咗佢地嘅招牌手沖咖啡，咖啡呈上時用嘅杯幾精緻！「耶家雪夫」咖啡豆沖調出嚟嘅咖啡，飲落去開頭會有佛手柑花嘅香味，又有啲似皮革嘅香氣；中段時有香桃茶果種甘醇圓渾；再等咖啡溫度稍降一下，就會有橙皮香味同特別嘅酸度呈現出來，層次感相當豐富。好的咖啡真係需要一口一口品味，再配上大和堂呢度招牌熱狗，溢出來嘅芝士加上辣肉醬，扎實嘅豬肉腸加上鬆軟麵包，一口就滿足啦！呢度真係好適合悠閒一個下午嘅地方。