Amitie Kitchen (Moved) New Location

今日出咗尖沙咀行街，行完街想搵一間食得舒服嘅西餐廳，即刻上網搵，結果比我搵到一間有驚喜嘅西餐廳Amitie Kitchen。我哋兩個人叫咗一個餐一個小食同埋一份扒份量都好足。我哋叫咗一個餐但佢都照比兩份餐包我地本身以為啲餐包會好硬但係一拎上手已經發現又熱又鬆軟好surprise。黑松露炸薯條，一放落枱已聞到好香，我哋食完主菜先食薯條，但係放左四個字都冇林，如果係粗薯條應該會更加好。之後黎左南瓜湯，啖啖南瓜蓉，唔會好稀。套餐有兩個前菜選擇，我地揀左西班牙墨魚仔辣肉腸，因為我好怕食唔新鮮既沙律菜，所以見到佢啲伴菜好新鮮既時候，已經加分。之後主菜黎啦，帶子蘑菇意大利飯伴黑松露，呢間餐廳既材料真係好足，幾粒大大粒嘅帶子鋪喺飯面，唔會話得少少敷衍人。另外叫咗個五成熟西冷扒，煮到岩岩好，好易切開，最加分既位黎啦，伴碟既薯蓉會咬到薯仔粒，有配料，雖然伴碟用，但有用心製作。最後我哋叫咗杯餐飲，熱情果芒果橙紅茶，都幾香。總括而言，服務員態度好好，環境唔錯，食物分量材料好足。